சிவப்பு கம்பளத்தில் பொத்து பொத்துன்னு விழுவதே இந்த நடிகைக்கு வேலையாப் போச்சு!

லாஸ் ஏஞ்சல்ஸ்: ஹாலிவுட் நடிகை ஜெனிபர் லாரன்ஸ் ஹங்கர் கேம்ஸ்: மாக்கிங்ஜே 2 படத்தின் ப்ரீமியரின்போது சிவப்பு கம்பளத்தில் நடக்கையில் கால் தவறி விழுந்துள்ளார்.

ஏம்ப்பா, ஒரு நடிகை கால் தவறி விழுந்தது ஒரு பெரிய விஷயமா, ஏதோ நடந்துவிட்டது என்று நீங்கள் நினைக்கலாம். இந்த நடிகை விழுந்தது நிச்சயம் செய்தி தான். காரணம் இவர் இப்படி சிவப்பு கம்பளத்தில் தடுக்கி விழுந்துள்ளது இது முதல் முறை அல்ல.

அப்படி எத்தனை முறை விழுந்திருக்கிறார் என்று கேட்கிறீர்களா?

மாக்கிங்ஜே 2

ஹங்கர் கேம்ஸ்: மாக்கிங்ஜே 2 பட ப்ரீமியர் ஸ்பெயின் தலைநகர் மாட்ரிட்டில் நடைபெற்றது. அதில் கலந்து கொண்ட படத்தின் நாயகி ஜெனிபர் லாரன்ஸ் சிவப்பு கம்பளத்தில் நடந்தார்.

ஜெனிபர்

ஜெனிபர் கருப்பு நிறத்தில் நீளமான கவுன் அணிந்து சிவப்பு கம்பளத்தில் நடந்தார். அப்போது கவுனின் நுனி அவரது காலணியில் சிக்கி தடுக்கி விழுந்தார். உடனே எழுந்த அவர் ஒன்றும் நடக்காதது போன்று ரசிகர்களை பார்த்து சிரித்தபடி கையை அசைத்துவிட்டு சென்றார்.

ஆஸ்கர்

2012ம் ஆண்டு நடந்த ஆஸ்கர் விருது விழாவில் சிறந்த துணை நடிகைக்கான விருதை பெற ஜெனிபர் லாரன்ஸ் மேடைக்கு சென்றார். மேடைப்படியில் ஏறுகையில் கால் தடுக்கி விழுந்தார்.

மறுபடியும்

அடுத்ததாக 2014ம் ஆண்டு ஆஸ்கர் விருது விழாவில் கலந்து கொள்ள வந்த ஜெனிபர் லாரன்ஸ் நுழைவாயிலேயே கால் தடுக்கி விழுந்தார். இந்த நடிகைக்கு பொத்து, பொத்துன்னு விழுவதே வேலையாகிவிட்டது என்று ரசிகர்கள் கிண்டல் செய்யும் அளவுக்கு அவர் தடுக்கி தடுக்கி விழுகிறார்.

English summary

Jennifer Larence, the 25 years old 'Hunger Games' actress tumbled and fell yet again on the red carpet. The actress who was in Madrid for the premiere of Hunger Games : Mockinjay 2, tripped on her dress and fell on the red carpet!