‘பைரேட்ஸ் ஆப் கரீபியன்’ ஜானி டெப்புக்கு 5.5 அடியில் கேக் சிலை.. இது லண்டன் ரசிகையின் ரகளை

Published: Friday, December 6, 2013, 11:54 [IST]

Subscribe to Oneindia Tamil

லண்டன்: நம்மூரில் மனதுக்கு பிடித்தத் தலைவர்கள் மற்றும் பிரமுகர்களுக்கு கல்லிலோ அல்லது மெழுகிலோ சிலை வைப்பார்கள்.

ஆனால், லண்டன் ரசிகை ஒருவரோ தனது பேவரைட் ஹீரோவான ஜானி டெப்புக்கு கேக்கில் சிலை வைத்து பரபரப்பைக் கிளப்பியுள்ளார்.

ரசிகையின் இந்தச் செயலானது, தனது அன்பை வெளிப்படுத்த மட்டுமல்ல, தனது வியாபாரத்தைப் பெருக்கவும் தான் என்பது முக்கிய விஷயம்.

டேஸ்டி கேக்ஸ்....

லண்டனில் ‘டேஸ்ட்டி கேக்ஸ்' என்ற கேக் நிறுவனம் நடத்தி வருபவர் லாரா கிளார்க் என்ற 27 வயதுப் பெண்.

தன் பிசினஸை டெவலப் செய்ய நினைத்த லாரா, தனது மனம் கவர் நாயகனான ‘பைரேட்ஸ் ஆப் கரிப்பியன்' புகழ் ஜானி டெப்புக்கு கேக்கில் சிலை ஒன்றை செய்துள்ளார்.

உள்ளூர் போட்டியில் கலந்து கொண்ட இந்த 5.5 அடி உயர கேக் சிலை பரிசினைத் தட்டிச் சென்றதோடு, லாராவின் புகழையும் பரப்பி விட்டது.

இந்தக் கேக்கை தயாரிக்க லாராவுக்கு சுமார் 90 மணி நேரங்கள் பிடித்ததாம். தனது கேக் சிலைக் குறித்துக் கேள்விப்பட்ட ஜானி, லாராவை மனதாரப் பாராட்டினாராம்.

மேலும், இதே போல் களிமண்ணால் தனது சிலையை செய்து தருமாறு லாராவிடம் கேட்டுள்ளாராம் ஜானி.