அமெரிக்க சுதந்திர தினத்தன்று ஜூபிடரின் "எல்லை"க்குள் பிரவேசித்த ஜூனோ

Updated: Tuesday, July 5, 2016, 13:20 [IST]

Subscribe to Oneindia Tamil

நியூயார்க்: அமெரிக்காவில் சுதந்திர தினம் கொண்டாடப்பட்ட அதே நாளில் நாசாவின் ஜூனோ விண்கலமானது, ஜூபிடரின் சுற்றுப் பாதைக்குள் வெற்றிகரமாக நுழைந்து வரலாறு படைத்தது. மனிதன் அனுப்பிய விண்கலம் ஒன்று ஜூபிடரின் எல்லைக்குள் நுழைந்தது இதுவே முதல் முறையாகும்.

ஜூபிடரை ஆராய நாசா அனுப்பிய விண்கலம்தான் ஜூனோ. வெற்றிகரமாக இது தற்போது ஜூபிடரின் சுற்றுப் பாதையில் நுழைந்துள்ளது.

கடந்த ஐந்து வருடமாக ஜூபிடரை நோக்கிப் பயணித்து வருகிறது ஜூனோ. தற்போது அதன் இறுதிக் கட்டத்தில் முதலாவதாக ஜூபிடரின் சுற்றுப் பாதையில் அது வெற்றிகரமாக நுழைந்துள்ளது.

ஆய்வு...

அடுத்து ஜூபிடர் கிரகத்தை நோக்கி அது நகரவுள்ளது. ஜூபிடரின் அழகிய வளையங்களை அது ஆராயவுள்ளது. மேலும் ஜூபிடர் கிரகத்தின் தன்மை குறித்தும் ஆராயவுள்ளது.

வாயுக்கள், பாறைகள்...

முற்றிலும் வாயுக்களால் நிரம்பிய கிரகம் ஜூபிடர். அதேசமயம், அதன் மையப் பகுதியானது பாறைகளால் ஆனதாக கருதப்படுகிறது.

49 நிமிடங்கள்...

ஜூபிடர் அனுப்பும் தகவல்கள் பூமிக்கு வந்து சேர 49 நிமிடங்களாகும் என்பதால் ஜூனோவின் பணிகளை உடனுக்குடன் அறிய முடியாது. தற்போது ஜூபிடர் கிரகத்திலிருந்து 2609 மைல்கள் தொலைவில் ஜூனோ உள்ளது.

காந்த தகடுகள்...

ஜூனோ விண்கலத்தில் வலுவான காந்த தகடுகள் இருப்பதால் மிகுந்த கவனத்துடன் அது ஜூபிடரை நெருங்க வேண்டியுள்ளது. எனவே அதற்கேற்றவாறு அது சுற்றி வரும், கூடவே ஆய்வுகளையும் மேற்கொண்டபடி.

37 முறை...

ஜூனோ ஜூபிடரின் சுற்றுப் பாதையில் கிட்டத்தட்ட 20 மாதங்களுக்கும் மேலாக சுற்றி வரும். மொத்தம் அது 37 முறை சுற்றி வரத் திட்டமிடப்பட்டுள்ளது. விரைவில் ஜூனோ, ஜூபிடர் கிரகத்தை எடுத்த புகைப்படங்கள் பூமிக்கு வந்து சேரும் என்று எதிர்பார்க்கப்படுகிறது.