"காற்றடைத்த பை"யை மேலும் நெருங்கியது நாசாவின் "ஜூனோ"

வாஷிங்டன்: ஜூபிடர் கிரகத்தை ஆராய அனுப்பப்பட்ட நாசாவின் ஜூனோ விண்கலம் திட்டமிட்டபடி சென்று கொண்டுள்ளது. ஜூபிடரை அது மேலும் நெருங்கியுள்ளது. இன்னும் ஒரு மாதத்தில் அது ஜூபிடரின் சுற்று வட்டப் பாதைக்கு போய் விடும்.

காயமே இது பொய்யடா காற்றடைத்தா பையடா என்று பாட்டு உண்டு. அதற்கேற்ப, ஜூபிடரும் ஒரு மாபெரும் வாயுக்களால் நிரம்பிய கிரகமாகும். இந்த கிரகத்தை ஆராய்ச்சி செய்வதற்காகவே ஜூனோ விசேஷமாக வடிவமைக்கப்பட்டு அனுப்பப்பட்டுள்ளது.

கடந்த 2011ம் ஆண்டு ஆகஸ்ட் 5ம் தேதி ஜூனோ விண்கலம் செலுத்தப்பட்டது. ஜூபிடரின் தோற்றம், அது எப்படி உருவானது, அதில் என்ன இருக்கிறது, அதன் சுற்றுச்சூழல் என்ன என்பதை அறிவதே இந்த பயணத்தின் முக்கிய நோக்கமாகும்.

தற்போது ஜூபிடரிலிருந்து ஜூனோ விண்கலமானது, 26 நாட்கள் 1.78 கோடி கிலோமீட்டர் தூரத்தில் உள்ளது என்று நாசா தெரிவித்துள்ளது. ஜூன் 4ம் தேதி ஜூனோ விண்கலமானது, தனது என்ஜினை முதல் முறையாக இயக்கியது. கிட்டத்தட்ட 35 நிமிடங்கள் இந்த என்ஜின் இயக்கப்பட்டது. இதையடுத்து ஜூனோ விண்கலமானது, ஜூபிடர் விண்கலத்தின் துருவ சுற்றுப் பாதையில் விண்கலம் நிலை நிறுத்தப்பட்டது.

இதுகுறித்து சான் அன்டோனியாவில் உள்ள தென் மேற்கு ஆய்வுக் கழகழகத்தின் முதன்மை ஆய்வாளர் ஸ்காட் போல்டன் கூறுகையில், ‘தற்போது தூரம் குறைய ஆரம்பித்து விட்டது. தற்போது விண்கலமானது விநாடிக்கு நான்கு மைல்கள் என்ற வேகத்தில் போய்க் கொண்டுள்ளது.

ஜூபிடரை, ஜூனோ நெருங்கும்போது விநாடிக்கு 40 மைல்கள் என்ற வேகத்தில் அது செல்லும். சுற்றுப் பாதையில் ஜூனோ நுழையும்போது அதன் வேகத்தைக் குறைக்க ஏற்பாடுகள் செய்யப்பட்டுள்ளன' என்றார்.

இந்த ஜூனோ விண்கலமானது ஜூபிடர் கிரகத்தின் காந்தப் புலம் குறித்தும் முக்கியமாக ஆராய உள்ளது. மேலும் அங்கு நீர், அம்மோனியா போன்றவற்றின் இருப்பும், ஜூபிடரின் அச்சுப் பகுதியும் ஆராயப்படவுள்ளது. அதை விட முக்கியமாக ஜூபிடரை சுற்றியுள்ள வளையங்களும் ஆராய்ச்சிக்குட்படுத்தப்படவுள்ளன என்பது குறிப்பிடத்தக்கது.

English summary

With its scheduled arrival at the largest planetary inhabitant in our solar system on July 4, NASA’s Juno mission is now less than a month away from Jupiter.