அடேங்கப்பா... உருளைக்கிழங்கு புகைப்படம் ரூ.10 கோடிக்கு விற்பனை!

லண்டன்: அயர்லாந்து நாட்டு போட்டோகிராபர் எடுத்த உருளைக்கிழங்கின் புகைப்படம் ஒன்று ரூ. 10 கோடிக்கு விற்பனை செய்யப்பட்டுள்ளது.

அயர்லாந்தைச் சேர்ந்த பிரபல போட்டோகிராபர் கெவின் அபோஷ். இவர் கருப்பு நிற பின்னணியில் உருளைக்கிழங்கு ஒன்றினைப் புகைப்படமாக எடுத்திருந்தார்.

இந்தப் புகைப்படத்தை விற்பனை செய்யப்போவதாக சமீபத்தில் கெவின் அறிவித்தார்.

அதனைத் தொடர்ந்து இந்தப் புகைப்படத்தை 1.5 மில்லியன் டாலர் விலை கொடுத்து தொழிலதிபர் ஒருவர் வாங்கியுள்ளார். இது இந்திய மதிப்பில் சுமார் ரூ. 10 கோடியே 22 லட்சத்து 40 ஆயிரம் ஆகும்.

இந்த உருளைக்கிழங்கு மட்டுமின்றி கெவின் எடுத்த மலாலா, ஜுராசிக்பார்க் திரைப்பட இயக்குனர், ஹாலிவுட் பிரபல நடிகர் ஜானி டீப் உள்ளிட்டோரின் புகைப்படங்களும் மிகவும் பிரபலம்.

English summary

The chips certainly aren't down for photographer Kevin Abosch. He recently sold this photograph of a potato for £750,000 ($1.5 million).