சிங்கம் மலை 'ஏறிருச்சு'... !
பியாங்யாங்: வட கொரிய அதிபர் கிம் ஜோங் உன் மலையேறி சாதனை படைத்துள்ளார். அதுவும் வட கொரியாவிலேயே உயரமான சிகரத்தில் ஏறி சாதனை படைத்துள்ளார். இதை புகைப்படத்துடன் வெளியிட்டுள்ளது வட கொரிய அரசின் செய்தி நிறுவனமான கேசிஎன்ஏ.
இவராகவே ஏறினாரா அல்லது ஹெலிகாப்டரில் தூக்கிக் கொண்டு போய் இறக்கி விட்டார்களா என்பது தெரியவில்லை. ஆனால் பனி மலையான பகேடு மலைச் சிகரத்தின் மேலே கிம் இருக்கும் புகைப்படங்கள் வெளியாகியுள்ளன.
நீண்ட பனி தாங்கும் உடை, ஷூ சகிதம் கிம் அதில் காணப்படுகிறார். இந்த மலையானது 9000 அடி உயரம் கொண்டதாகும்.
இவர் நிச்சயமாக அவராக மலையில் ஏறியிருக்க மாட்டார். மாறாக ஹெலிகாப்டரில் கொண்டு போய் இறக்கியிருப்பார்கள் என்றே சந்தேகிக்கப்படுகிறது. அவருடன் வட கொரிய விமானப்படையினரும் உடன் உள்ளனர்.
கிம்மின் தந்தை கிம் ஜோங் இல் இந்த மலையில்தான் பிறந்தார் என்று கூறப்படுவதுண்டு. அதன் நினைவாகவே இந்த மலைக்கு கிம் வந்ததாகவும் சொல்கிறார்கள்.
அதேசமயம், கிம் ரஷ்யாவில் உள்ள ஒரு அகதி முகாமில் பிறந்தார் என்றும் ஒரு தகவல் உண்டு என்பது குறிப்பிடத்தக்கது.
Click it and Unblock the Notifications
Sign in with Google