ஏன் இந்தத் துரத்தல்.. புள்ளத்தாச்சியை இப்படியா ஓட விடுவது?

Updated: Wednesday, June 17, 2015, 17:32 [IST]

Subscribe to Oneindia Tamil

லாஸ் ஏஞ்சலெஸ்: கிம் கர்தஷியானுக்கு உள்ளதைப் போல வெறி பிடித்த ரசிகர்கள் வேறு யாருக்காவது இருப்பார்களா என்று தெரியில்லை. ஆனால் இந்த ரசிகர்களின் வெறித்தனம் பல நேரங்களில் கடும் நெருக்கடியை சம்பந்தப்பட்டவர்களுக்கு ஏற்படுத்தி விடுகிறது. அவர்களைக் கூட விட்டு விடலாம், இந்த பத்திரிகை புகைப்படக்காரர்களின் தொல்லை பல சமயங்களில் கடும் எரிச்சலைக் கொடுக்கிறது என்பதையும் மறுக்க முடியாது.

இப்படித்தான் ஒரு இக்கட்டான நிலையை கிம் சந்திக்க நேர்ந்துள்ளது. கிம்முக்கு இருக்கும் ரசிகர்கள் கூட்டம் சாமானியமானதல்ல. அவரது "அமைப்பு" அப்படி.

ஏற்கனவே ஒரு குழந்தைக்குத் தாயான கிம் தற்போது 2வது முறையாக கருத்தரித்துள்ளார். 2வது முறை கருத்தரிக்க அவர் "பட்ட பாடு" அனைவருக்கும் தெரிந்ததுதான். அவரை நிறையச் சொல்லியுள்ளார்.

இந்த நிலையில் சமீபத்தில் வெளியே வந்த கிம் ரசிகர்களிடம் சிக்கிக் கொண்டார். காரை விட்டு இறங்கிய அவரால் வெளியே போக முடியில்லை. ரசிகர்கள் சுற்றி விட்டார்கள். அவர்களில் பலர் பெண்கள். கையில் இருந்த செல்போன் கேமராவில் அவரை வளைத்து வளைத்துப் போட்டோ எடுத்தனர். பலர் செல்பி எடுக்க முயன்றனர்.

{ventuno}

இதனால் அவர்களிடமிருந்து தப்பிய கிம், ஓட்டமும் நடையுமாக நடந்தே ரோட்டைக் கடந்தார். அங்கு போனால் பத்திரிகை புகைப்படக்காரர்கள் ஓடி வந்து சூழ்ந்தனர். இதுவரை கிம்மை புகைப்படமே எடுக்காதவர்கள் போல வளைத்து வளைத்துப் படம் எடுத்தனர். கிம் உள்ளே போனபோதும் கூட விடாமல் துரத்தித் துரத்தி புகைப்படம் எடுத்தனர்.

கிம் இவர்களிடமிருந்து தப்ப வேகமாக நடந்ததைப் பார்த்தபோது அவரது வயிற்றில் உள்ள குழந்தைக்கு எதுவும் ஆகி விடக் கூடாதே என்று நமக்கு பதைப்பாக இருந்தது.