கழிவறை பேப்பரில் கல்யாண கவுன் – அமெரிக்க ரியாலிட்டி ஷோவில் சாதனை!
நியூயார்க்: கல்யாணத்தை செய்து பார்..வீட்டைக் கட்டிப்பார் என்பதெல்லாம் அந்தக்காலம்.
இந்தக்காலத்தில் கழிவறை பேப்பரை வைத்தே கல்யாணத்தை முடித்து விடுவோம் என்று காட்டி உள்ளனர் அமெரிக்காவில்.
கல்யாணத்திற்கு 6 முழப் பட்டுப்புடைவையெல்லாம் தேவை இல்லை.நான்கே நான்கு ரோல் கழிவறை பேப்பர் போதும் என்று அமெரிக்க ரியாலிட்டி ஷோ ஒன்று நிரூபித்துள்ளது.
இறுதிச் சுற்று:
சுமார் 1500 பேர் பங்கேற்ற இந்த போட்டியின் இறுதிச் சுற்று கடந்த வியாழக்கிழமை நடந்த போது 10 பேர் மட்டுமே போட்டியாளர்களாக இருந்தனர்.
முதல் பரிசு 10 ஆயிரம் டாலர்:
20 ரோல் டாய்லட் பேப்பரில், பூ வேலைப்பாடு நிறைந்த கண்ணைக் கவரும் திருமண கவுனை வடிவமைத்திருந்த மிச்சிகன் நகரை சேர்ந்த சூசன் ப்ரென்னான் என்பவர் முதல் பரிசுத் தொகையான 10 ஆயிரம் டாலர்களை தட்டிச் சென்றார்.
திருமண கவுன் வடிவமைப்பு:
திருமண கவுன் மட்டுமின்றி, மணமகள் ஏந்திச் செல்லும் கூடை, கைப்பை ஆகியவற்றையும் அவர் டாய்லெட் பேப்பரில் வெகு நேர்த்தியாக உருவாக்கியிருந்தார்.
ஒரு மாத உழைப்பு:
நூல், பசை மற்றும் செலோ டேப் ஆகியவற்றை கொண்டு இந்த கவுனை உருவாக்க ஒரு மாதம் தொடர்ந்து உழைத்ததாக சூசன் தெரிவித்தார்.இந்த போட்டியில் இவர் மூன்றாவது முறையாக முதல் பரிசை வென்றுள்ளார் என்பது குறிப்பிடத்தக்கது.
Click it and Unblock the Notifications
Sign in with Google