ஹமாஸ் இயக்கத்துடன் நீண்டகால யுத்த நிறுத்தம் சாத்தியம் அல்ல: இஸ்ரேல்
Subscribe to Oneindia Tamil
டெல் அவிவ்: பாலஸ்தீனத்தின் காஸா பகுதியில் ஆட்சி செய்து வரும் ஹமாஸ் இயக்கத்துடன் நீண்டகால யுத்த நிறுத்தம் என்பது சாத்தியமற்றது என்று இஸ்ரேல் அறிவித்துள்ளது.
இது குறித்து இஸ்ரேலிய வெளியுறவுத் துறை அமைச்சர் அவிக்தோர் கூறியதாவது:
பாலஸ்தீனத்தின் ஆயுதம் தாங்கிய இயக்கமான ஹமாஸுடன் நீண்டகால அல்லது நிரந்த யுத்த நிறுத்தம் சாத்தியமானது என நான் நினைக்கவில்லை.
காஸா பகுதிக்கு ஊதியம் வழங்குவதற்கு நிதி உதவி அளிப்பது என்பதெல்லாம் ஹமாஸ் இயக்கத்தையே வலுப்படுத்தும். அமைதியை அங்கு உருவாக்காது. அவர்கள் தொடர்ந்தும் ஆயுதக் கடத்தலில் ஈடுபட்டு வருகின்றனர். அதை எப்படி தடுக்கப் போகிறோம்.
காஸா முனைப் பகுதியில் உள்ள ஆயுதங்கள் களையப்படும் வரை அமைதிக்கான சாத்தியம் இருக்காது.
இவ்வாறு அவர் தெரிவித்தார்.
Click it and Unblock the Notifications
Sign in with Google