அமீரகத்துக்கான இந்தியத் தூதர் சுவிட்சர்லாந்துக்கான புதிய தூதராக நியமனம்

அபுதாபி: அமீரகத்தில் இருந்து விடைபெற்றுச் செல்லும் இந்திய தூதர் எம்.கே. லோகேஷிற்கு அமீரக அதிபர் ஷேக் கலீஃபா பின் ஸையித் அல் நஹ்யான் ‘ஆர்டர் ஆஃப் இன்டிபென்டன்ஸ்' (order of independence) எனும் விருது வழங்கி கௌரவித்துள்ளார். லோகேஷ் சுவிட்சர்லாந்துக்கான இந்திய தூதராக நியமிக்கப்பட்டுள்ளார்.

இவ்விருது அமீரகத்துக்கும் இந்தியாவுக்கும் இடையேயான இரு தரப்பு உறவுகள் மேம்பட உதவியமைக்காகவும், வர்த்தக மேம்பாடு உள்ளிட்ட பல்வேறு பணிகளைப் பாராட்டியும் வழங்கப்பட்டுள்ளது.

இவ்விருதினை அமீரக வெளியுறவு அமைச்சர் ஷேக் அப்துல்லாஹ் பின் ஸையித் அல் நஹ்யான் அவர்கள் 16.12.2013 அன்று லோகேஷிற்கு வழங்கி பாராட்டு தெரிவித்தார்.

விருதைப் பெற்றுக்கொண்ட எம்.கே. லோகேஷ் அமீரக அதிபர் ஷேக் கலீஃபாவிற்கு நன்றியினைத் தெரிவித்துக் கொண்டார். ஷேக் கலீஃபாவின் திட்டங்கள் வளைகுடாவிலும், சர்வதேச அளவிலும் ஒரு முக்கிய இடத்தைப் பெற்றுள்ளது எனக் குறிப்பிட்டார்.

மேலும் அமீரக அதிகாரிகள் உள்ளிட்ட அனைவருக்கும் தனது நன்றியினை தெரிவித்துக் கொண்டதுடன் தனது பதவிக் காலத்தில் ஒத்துழைப்பு நல்கிய அனைவருக்கும் நன்றியுடன் விடைபெறுவதாக குறிப்பிட்டார்.

English summary

Indian ambassador to UAE M.K. Lokesh has been appointed as the new ambassador to Switzerland.