மாயமான மலேசிய விமானம் கீழே விழவும் இல்லை, வெடித்துச் சிதறவும் இல்லை: ஐ.நா. அமைப்பு

நியூயார்க்: மாயமான மலேசிய விமானம் எங்கும் விழவும் இல்லை, வெடித்துச் சிதறவும் இல்லை என்று ஐ.நா.வின் சி.டி.பி.டி.ஓ. அமைப்பு தெரிவித்துள்ளது.

வியன்னாவை தலைமையிடமாகக் கொண்டு செயல்படுவது ஐ.நா.வின் அணுகுண்டு சோதனை தடை உடன்பாடு அமைப்பு (சி.டி.பி.டி.ஓ.). அந்த அமைப்பு அணுகுண்டு சோதனைகளை கண்டறிய பல கருவிகளை பல்வேறு இடங்களில் நிறுவியுள்ளது. அந்த கருவிகள் பெரிய ரக விமானம் வெடித்துச் சிதறினாலோ, கடலில் மூழ்கினாலோ, நிலத்தில் விழுந்தாலோ கண்டுபிடித்துவிடும்.

ஆனால் அந்த கருவிகள் இதுவரை அப்படி எதையும் கண்டுபிடிக்கவில்லை. அதனால் கடந்த 8ம் தேதி மாயமான மலேசிய விமானம் வெடித்துச் சிதறவும் இல்லை, எங்கும் விழவும் இல்லை என்று அந்த அமைப்பு தெரிவித்துள்ளது.

விமானம் எதுவும் வானில் வெடித்துச் சிதறியதா என்பதை கண்டறியுமாறு ஐ.நா. உறுப்பினர் நாடுகளைச் சேர்ந்த விஞ்ஞானிகளை சிடிபிடிஓ செயலாளர் லசினா ஜெர்போ கடந்த வாரம் கேட்டுக் கொண்டார். ஆனால் இதுவரை வானில் எந்த விமானமும் வெடித்துச் சிதறியதாக தகவல் இல்லை.

அதனால் மலேசிய விமானத்திற்கு என்ன ஆனது என்பது தொடர்ந்து மர்மமாகவே உள்ளது என்பது குறிப்பிடத்தக்கது.

English summary

A UN-backed nuclear watchdog has said that it did not detect either any explosion or crash that could be linked to the missing Malaysia Airlines plane, amid continued speculation over fate of the aircraft.