இப்படியும் ஒரு ‘சாப்பாட்டு’ காதல்... ‘தின் கிறிஸ்பி பீட்சா’வைத் திருமணம் செய்துகொண்ட இளைஞர்
மாஸ்கோ: ரஷ்யாவில் இளைஞர் ஒருவர் தனக்குப் பிடித்தமான பீட்சாவைத் திருமணம் செய்து கொண்டு பரபரப்பை ஏற்படுத்தியுள்ளார்.
ஆணும், பெண்ணும் திருமணம் செய்து கொள்வது தான் மரபு. ஆனால், சிலர் அதீத காதல் காரணமாக தங்களது செல்லப்பிராணிகளை திருமணம் செய்து கொண்ட சம்பவங்களும் அரங்கேறியுள்ளன.
இந்நிலையில், ரஷ்யாவைச் சேர்ந்த இளைஞர் ஒருவர் உணவுப் பொருளான பீட்சாவைத் திருமணம் செய்து கொண்டுள்ளார்.
இந்த வினோதத் திருமணத்திற்கு ரஷ்ய அரசும், தேவாலயமும் அனுமதி தரவில்லை. இதனால் டாம்ஸ்க் நகரில் உள்ள பீட்சா கடையில் இந்தத் திருமணம் எளிய முறையில் நடைபெற்றது.
பீட்சாவைத் திருமணம் செய்து கொண்ட அந்த இளைஞரின் பெயர் மற்றும் விபரங்கள் வெளியிடப்படவில்லை. திருமணம் நடைபெற்ற கடையினரே திருமணச் சான்றிதழை அந்த இளைஞரிடம் வழங்கினர்.
இந்தத் திருமணம் தொடர்பாக சம்பந்தப்பட்ட இளைஞர் கூறுகையில், ‘பீட்சாவை நான் விரும்புகிறேன், அது நிச்சயமாக என்னை ஏமாற்றாது என நம்புகிறேன். அதனால்தான் ‘தின் கிறிஸ்பி பீட்சாவை' மணந்துகொண்டேன்' என்கிறார்.
Click it and Unblock the Notifications
Sign in with Google