ஹாலிவுட் நடிகையிடம் ஒரு முத்தம் பெற ரூ. 49 லட்சம் நிதியுதவி அளித்த இந்திய கனடியர்!
ஒட்டாவா: பிரபல ஹாலிவுட் நடிகையிடம் முத்தம் ஒன்றைப் பெறுவதற்காக கனடாவாழ் இந்திய வம்சாவளியைச் சேர்ந்த தொழில் அதிபர் ஒருவர் ரூ. 49 லட்சம் நிதியுதவி அளித்துள்ள சம்பவம் பரபரப்பை உண்டாக்கியுள்ளது.
கனடாவில் உள்ள விண்ட்சார் நகரத்தில் கடந்த வியாழனன்று இரவு ‘எல்டன் ஜான்' எய்ட்ஸ் அறக்கட்டளைச் சார்பாக எய்ட்ஸ் விழிப்புணர்விற்காக நிதி திரட்டும் நிகழ்ச்சி ஒன்று ஏற்பாடு செய்யப்பட்டிருந்தது.
இந்த நிகழ்ச்சியில் பிரபல ஹாலிவுட் நடிகையான எலிசபெத் ஹர்லி (49) கலந்து கொண்டார்.
இந்திய வம்சாவளி தொழிலதிபர்...
இந்த நிகழ்ச்சியில் இந்திய வம்சாவளியைச் சேர்ந்த ஜூலியன்பாரதி என்பவரும் கலந்து கொண்டார். ஜூலியனுக்கு நடிகையிடம் இருந்து ஒரு முத்தம் பெற ஆசையாம்.
ரூ. 49 லட்சம் நிதி...
இதற்காக அந்த அறக்கட்டளைக்கு அவர் 50,000 பிரிட்டிஷ் பவுண்டுகள், அதாவது ரூ. 49 லட்சம் நிதியுதவி வழங்கியதாக அந்நாட்டு ஊடகங்கள் செய்தி வெளியிட்டுள்ளன.
தனியார் வங்கி அதிபர்...
கனடாவின் பிரபல தொழிலதிபர் ஸ்டான் பாரதியின் மகனான ஜூலியன் தனியார் வங்கி ஒன்றை நடத்தி வருகிறார். இவருக்கு திருமணமாகி மூன்று குழந்தைகளும் உள்ளனர்.
மனைவி...
இந்த முத்தச் சம்பவம் குறித்து தனது மனைவி ஒன்றும் தவறாக நினைத்துக் கொள்ளவில்லை என மகிழ்ச்சியுடன் தெரிவித்துள்ளார் ஜூலியன்.
Click it and Unblock the Notifications
Sign in with Google