இவர் ஒரு பாரீன் ஆண் தேவதை... மனைவியை எப்டி ஐஸ் வைக்கணும்னு இவரப் பாத்து கத்துக்கோங்கப்பா!

கனடாவில் காதலிக்கு வித்தியாசமான பரிசு கொடுத்து உலகளவில் பிரபலமாகி விட்டார் காதலர் ஒருவர்.

ஒட்டாவா: கனடா நாட்டில் ஒருவர் தனது காதலிக்கு வைர மோதிரத்தில் கேரட்டை வளர்த்து காதல் பரிசாக கொடுத்து அசர வைத்துள்ளார்.

கனடாவை சேர்ந்தவர்கள் ஜான் நிவெல்லி மற்றும் டீஜே ஸ்குரிஸ். கடந்த அறு ஆண்டுகளாக இவர்கள் இருவரும் காதலித்து வருகிறார்கள். மேலும் லிவிங் டுகெதர் முறையில் வாழ்ந்து வருகிறார்கள்.

ஜான் நிவெல்லி மற்றும் டீஜே ஸ்குரிஸ்க்கு இரண்டு குழந்தைகள் உள்ளனர். கனடாவில் உள்ள ஒரு மருத்துவமனை ஆய்வகத்தில் ஸ்குரிஸ் வேலை செய்து வருகிறார். ஆண் தேவதை ஸ்டைலில் நிவெல்லி வீட்டில் இருந்த படி குழந்தைகளை பார்த்துக்கொள்கிறார்.

நிவெல்லி தனது வீட்டில் தோட்டம் அமைத்து நிறைய தாவரங்களை வளர்த்து வருகிறார். அது அவரது மிகப்பெரிய பொழுது போக்கு. மேலும் குழந்தைகளையும், காதலியையும் மிக அன்பாக பார்த்துக் கொள்வார் நிவெல்லி.

இந்நிலையில் காதலியை மனைவியாக்க வேண்டும் எனும் ஆசை நிவெல்லிக்கு வந்தது. இதையடுத்து ஏற்கனவே வாங்கி வைத்திருந்த வைர மோதிரத்தை ஸ்குரிசிடம் கொடுத்து திருமணத்திற்கு புரொபோஸ் செய்ய நிவெல்லி முடிவு செய்தார். ஆனால் அவர் அதனை அப்படியே கொடுக்கவில்லை.

வித்தியாசமாக ஏதாவது செய்ய வேண்டும் என நினைத்த நிவெல்லி, அந்த மோதிரத்தில் ஒரு கேரட்டை வளர்த்து ஸ்குரிஸ்க்கு பரிசளிக்க முடிவு செய்தார். இதையடுத்து அவர் ஒரு பிளாஸ்டிக் தொட்டியில் மோதிரத்தை மண்ணில் புதைத்து, கேரட் விதைகளை தூவி வளர்க்க ஆரம்பித்தார்.

சரியாக 90 நாட்கள் கழித்து காதலி மற்றும் மகனை அழைத்து அந்த கேரட்டை அறுவடை செய்ய சொன்னார். வைர மோதிரத்துடன் கேரட் வளர்ந்திருப்பதை பார்த்து ஸ்குரிஸ் ஆச்சரியமடைந்தார். அந்த நேரத்தில் நிவெல்லி சினிமா ஹீரோ போல் தரையில் மண்டியிட்டு ஸ்குரிசிடம் புரொபோஸ் செய்தார். ஸ்குரிஸ்க்கு இது இன்ப அதிர்ச்சியாக இருந்தது.

காதலரின் புரொபோசல் குறித்து ஸ்குரிஸ் தனது பேஸ்புக் பக்கத்தில் புகைப்படத்துடன் பதிவிட்டார். இது வைரலானதை தொடர்ந்து நிவெல்லி உலக பேமஸ் ஆகிவிட்டார். இவர்கள் விரைவில் திருமணம் செய்துகொள்ள உள்ளனர் என்பது குறிப்பிடத்தக்கது.

English summary

In Canada a Man planted a diamond ring inside carrot to propose his girlfriend for marriage.