பேஸ்புக் புரபைல் படங்களை மாற்றிய மோடி, மார்க் ஜுகர்பர்க்
கலிபோர்னியா: இந்தியாவின் டிஜிட்டல் இந்தியா திட்டத்திற்கு ஆதரவு தெரிவிக்கும் வகையில், பேஸ்புக் நிறுவனர் மார்க் ஜுகர்பர்க் மற்றும் பிரதமர் மோடி ஆகியோர் தங்களது பேஸ்புக் பக்கத்தில் புரபைல் படங்களை மாற்றியுள்ளனர்.
இந்தியாவின் அனைத்துப் பகுதிகளையும் இணைக்கும் டிஜிட்டல் இந்தியா திட்டத்தை மத்திய அரசு அறிவித்துள்ளது. தற்போது பிரதமர் மோடி பேஸ்புக் அலுவலகத்திற்கு வந்துள்ளார்.
இதையடுத்து மோடியின் கனவுத் திட்டமான டிஜிட்டல் இந்தியாவுக்கு ஆதரவு தெரிவிக்கும் வகையில் மார்க் தனது பேஸ்புக் புரபைல் படத்தை மாற்றியுள்ளார். அதாவது இந்தியாவின் மூவண்ணக் கொடியின் நிறத்தின் பின்னணியில் மார்க் படம் இருப்பது போல இது உள்ளது.
இதையடுத்து பிரதமர் மோடியும் தனது புரபைல் படத்தை மாற்றியுள்ளார். இந்திய மக்களும் இதுபோல மாற்ற வேண்டும் என்றும் மோடி தனது பேஸ்புக் பக்கத்தில் கோரிக்கை வைத்துள்ளார்.