என் செல்லப் பொண்ணு ஸ்விம் பண்ற அழகைப் பாருங்களேன்... மகள் மேக்சிமாவுடன் நீச்சல் பழகும் மார்க்!
கலிபோர்னியா: பேஸ்புக் நிறுவனர் மார்க் ஜூக்கர்பெர்க் தன் குழந்தையுடன் நீச்சலிடுக்கும் போட்டோதான் பேஸ்புக்கை தற்போது கலக்கி வருகின்றது.
பேஸ்புக்கின் நிறுவனரான ஜூக்கர்பெர்க்கின் மனைவிக்கு அழகான பெண் குழந்தை உள்ளது. இந்தக் குழந்தைக்கு மேக்சிமா என்று பெயர்.
ஏற்கனவே, தன் மகளான குட்டிபெண் மேக்சிமாவின் முதல் புகைப்படத்தை பதிவிட்டு பேஸ்புக் பதிவர்களை லைக்குகளை அள்ளிக் கொட்ட வைத்த பேஸ்புக் நிறுவனர் மார்க் ஜூக்கர்பெர்க் தற்போது மகளுக்கு நீச்சல் பயிற்சி கொடுக்கவும் தொடங்கி விட்டார்.
இந்த பயிற்சியின் போது எடுக்கப்பட்ட ஒரு புகைப்படத்தை, "மேக்சிற்கு இதுதான் முதல் நீச்சல். இதை அவள் மிகவும் விரும்பினாள்" என்ற குறிப்புடன் பேஸ்புக்கில் பதிவிட்டுள்ளார். இந்த புகைப்படத்தினை மார்க்கைப் பின் தொடரும் 4.8 கோடி பேரில் பலரும் ஷேர் செய்து வருகின்றனர்.
மேலும், குட்டி மேக்சுடன் மார்க் ஸ்விம்மிங் பழகும் புகைப்படத்திற்கு கீழே சோ க்யூட், சோ நைஸ், க்யூட் பிரின்ஸ் என்று கருத்துக்களை பலரும் பதிவிட்டும் வருகின்றனர் என்பது குறிப்பிடத்தக்கது.