"ஒரிஜினல்" மார்ல்பரோ நாயகன் மரணம்...!

லாஸ் ஏஞ்சலெஸ்: உலகின் பிரபலமான சிகரெட் விளம்பர நாயகனாகத் திகழ்ந்தவரான டேரல் வின்பீல்ட் தனது 85வது வயதில் மரணமடைந்தார்.

பிரபலமான மார்ல்பரோ சிகரெட் விளம்பரத்தில் நடித்து உலகப் புகழ் பெற்றவர் டேரல். இவரது கெளபாய் ஸ்டைல் மார்ல்பரே சிகரெட் விளம்பரம் இன்றளவும் உலகம் முழுவதும் பிரபலமானது.

மார்ல்பரோ சிகரெட் விளம்பரத்தில் பலர் நடித்திருந்தும் கூட டேரல்தான் அதில் மிகப் பிரபலமானவர். இதனால்தான் இவரை ஒரிஜினல் மார்ல்பரோ மேன் என்றும் செல்லமாக அழைப்பார்கள்.

ஜேம்ஸ் பாண்ட் கேரக்டர் போல உலகம் முழுவதும் பிரபலமானது இந்த மா்ர்ல்பரோ சிகரெட் விளம்பரம். இதன் விளம்பரத்தில் நடிப்போர் கெளபாய் வேடத்தில்தான் வருவார்கள். அதில் முதன்மையானவர் டேரல்.

செம ஸ்டைலிஷான லுக்குடன் கூடியவரான டேரல், நீல நிறக் கண்கள், அடர்த்தியான செம்மையான மீசையுடன் மார்ல்பரோ விளம்பரத்தில் தோன்றி அதை உலகம் முழுவதும் பிரபலப்படுத்தினார். 20ம் நூற்றாண்டின் மிக வெற்றிகரமான விளம்பரமாகவும் மார்ல்பரோ விளம்பரம் மாற டேரலும் ஒரு முக்கியக் காரணம்.

இப்படிப்பட்ட பிரபலமான டேரல், அமெரிக்காவின் ரிவர்டன் நகரில் தனது இல்லத்தில் மரணமடைந்தார். அவருக்கு வயது 85.

ஆண்களாலும் அதிகம் ரசிக்கப்படும் ஒரு ஆண் என்று இவரை 1975ம் ஆண்டு லாஸ் ஏஞ்செலஸ் டைம்ஸ் பத்திரிகை புகழ்ந்து எழுதியிருந்தது.

1929ம் ஆண்டு லிட்டில் கான்சாஸ் நகரில் பிறந்தவர் டேரல். இவருக்கு லென்னி ஸ்பிரிங் என்ற மனைவியும் 6 குழந்தைகளும், ஏராளமான பேரக் குழந்தைகளும், கொள்ளுப் பேரக் குழந்தைகளும் உள்ளனர்.

English summary

Darrell Winnfield, the most prolific of the Marlboro Men, died this week at age 85. Winnfield’s flinty visage was the basis for the character and he appeared in eight out of 10 of the iconic cigarette advertisements at one point. The real deal, he worked on his own ranch every day, and reportedly wore his own clothes during photo shoots. “You could look at the different cowboys that we’ve used and you could argue that they were all the Marlboro man,” a Philip Morris spokesman said in 1992. “But Darrell is really the Marlboro man.”