நெஞ்சே பதறுதே.. ஜப்பானில் கொத்தாக கரை ஒதுங்கிய திமிங்கலங்கள்.. தாக்கிய ராட்சச சுனாமி அலைகள் - வீடியோ

மாஸ்கோ: உலகின் வலிமையான நிலநடுக்கங்களில் ஒன்று ரஷ்யாவின் கிழக்குப் பகுதியில் தாக்கியது. ரிக்டர் அளவுகோலில் 8.8 ஆகப் பதிவான இந்த நிலநடுக்கம் வட பசிபிக் பகுதியில் சுனாமியைத் தூண்டியது. ரஷ்யாவின் கம்சாத்கா தீபகற்பத்தை சுனாமி (TSunami) தாக்கியது. ஜப்பானின் 2 கடற்கரை பகுதியில் 4 பெரிய அளவிலான திமிங்கலங்கள் கரை ஒதுங்கியுள்ளன

இதன் காரணமாக அலாஸ்கா, ஹவாய் மற்றும் நியூசிலாந்து போன்ற தெற்குப் பகுதிகளுக்கும் எச்சரிக்கை விடப்பட்டது. இந்த நிலநடுக்கம், பெட்ரோபாவ்லோவ்ஸ்க்-காம்சட்ஸ்கி நகரில் இருந்து சுமார் 119 கிலோமீட்டர் தொலைவில், காம்சட்கா தீபகற்பத்தில் மையம் கொண்டிருந்தது, அந்நகரில் 180,000 பேர் வசிக்கின்றனர்.

நிலநடுக்கத்தின் தாக்கம் மற்றும் முன்னெச்சரிக்கை நடவடிக்கைகள்

நிலநடுக்கம் காரணமாக ஹொனலுலுவில் சுனாமி எச்சரிக்கை ஒலித்தது. மக்கள் பாதுகாப்பான இடங்களுக்குச் செல்ல அறிவுறுத்தப்பட்டனர். ஜப்பான் வானிலை ஆய்வு மையம், ஹோக்கைடோவின் கிழக்குக் கடற்கரையில் உள்ள நெமுரோவை சுமார் 30 சென்டிமீட்டர் உயரமுள்ள சுனாமி தாக்கியதாக அறிவித்தது. நிலநடுக்கத்தின் மையப் பகுதிக்கு அருகில் உள்ள ரஷ்யப் பகுதிகளில் சில சேதங்கள் மற்றும் வெளியேற்றங்கள் ஏற்பட்டன.

காம்சட்கா தீபகற்பத்தில் நிலநடுக்கம் ஏற்பட்ட பகுதியில் சில சேதங்கள் மற்றும் வெளியேற்றங்கள் ஏற்பட்டன, ஆனால் பெரிய அளவில் காயங்கள் எதுவும் ஏற்படவில்லை. ஹவாய் மற்றும் ஓரிகான் ஆகிய பகுதிகளில் வசிப்பவர்களுக்கு ஏற்படக்கூடிய பாதிப்புகள் குறித்து எச்சரிக்கை விடுக்கப்பட்டது. ஹவாய் தீவுகளின் கடலோரப் பகுதிகளில் இந்த நிலநடுக்கம் சேதத்தை ஏற்படுத்தக்கூடும் என பசிபிக் சுனாமி எச்சரிக்கை மையம் எச்சரித்துள்ளது.

கரை ஒதுங்கிய திமிங்கலங்கள்

இதன் காரணமாக 4 மீட்டர் உயரத்திற்கு கடல் அலைகள் எழுந்து கடற்கரையில் மோதியது. இந்த நிலநடுக்கத்தால் கட்டிடங்கள் சேதமடைந்தன. மக்கள் பாதுகாப்பான இடங்களுக்கு வெளியேற்றப்பட்டனர். அமெரிக்கா, ஜப்பான் மற்றும் பல பசிபிக் நாடுகளுக்கு சுனாமி எச்சரிக்கை விடுக்கப்பட்டுள்ளது. நிலநடுக்கம் காரணமாக பல கட்டிடங்கள் சேதமடைந்துள்ளதாகவும், அவசரநிலை பிரகடனம் செய்யப்பட்டுள்ளதாகவும் ரஷ்ய அதிகாரிகள் தெரிவித்தனர். இருப்பினும், இதுவரை பெரிய காயங்கள் அல்லது உயிரிழப்புகள் எதுவும் பதிவாகவில்லை.

அசோசியேட்டட் பிரஸ் செய்தி நிறுவனத்தின்படி, சுனாமி ரஷ்யாவின் குரில் தீவுகள் மற்றும் ஜப்பானின் வடக்கு தீவான ஹோக்கைடோவின் கடலோரப் பகுதிகளையும் தாக்கியது. இந்த சுனாமி காரணமாக ஜப்பான் கடற்கரையில் குறைந்தது 4 திமிங்கலங்கள் கரை ஒதுங்கியுள்ளன. ஜப்பானின் 2 கடற்கரை பகுதியில் 4 பெரிய அளவிலான திமிங்கலங்கள் கரை ஒதுங்கியுள்ளன. அப்பகுதி மக்களிடையே இது அதிர்ச்சியை ஏற்படுத்தி உள்ளது.

JUST IN: At least 4 whales have washed up along the coast of Japan, hours after 8.8 earthquake pic.twitter.com/t9siMZDHFS

— BNO News Live (@BNODesk) July 30, 2025

சுனாமி எச்சரிக்கை

தேசிய வானிலை சேவை சுனாமி எச்சரிக்கை மையம், கலிபோர்னியாவின் விரிகுடா பகுதியில் உள்ள மேற்கு கடற்கரையில் உள்ளூர் நேரப்படி ஜூலை 30 அதிகாலை 12:30 மணியளவில் சுனாமி அலைகள் தாக்கக்கூடும் என்று எச்சரித்துள்ளது. ரஷ்யாவின் பசிபிக் கடற்கரையில் ஏற்பட்ட 8.7 ரிக்டர் அளவிலான சக்திவாய்ந்த நிலநடுக்கத்தை அடுத்து இந்த அறிவிப்பு வெளியிடப்பட்டது. கலிபோர்னியா கடற்கரைக்கு சுனாமி கண்காணிப்பு எச்சரிக்கை விடுக்கப்பட்டுள்ளது. "ஜூலை 30 அதிகாலை 12:15 மணிக்கு சுனாமி அலைகள் வரக்கூடும் என்பதால், கடற்கரையோரம் வசிப்பவர்கள் அடுத்த அறிவிப்பு வரும் வரை காத்திருக்கவும்" என்று NWS அறிக்கையில் தெரிவிக்கப்பட்டுள்ளது.

நிலநடுக்கம் ஏற்படுத்திய பாதிப்புகள் குறைவு என்றும், உயிர் சேதம் ஏதும் இல்லை என்றும் அதிகாரிகள் தெரிவித்தனர். சுனாமி எச்சரிக்கை விடுக்கப்பட்ட பகுதிகளில், மக்கள் பாதுகாப்பாக இருக்குமாறும் அறிவுறுத்தப்பட்டுள்ளனர். நிலநடுக்கம் தொடர்பான அடுத்தடுத்த அறிவிப்புகளை அதிகாரிகள் தொடர்ந்து வெளியிடுவார்கள்.

English summary

Massive TSunami hits Russia, Japan: 4 whales have washed up along the coast of Japan