விமானி குட்நைட் சொல்வதற்கு 12 நிமிடத்திற்கு முன்பே பாதை மாறிய மலேசிய விமானம்

By Siva

Updated: Monday, May 5, 2014, 14:41 [IST]

Subscribe to Oneindia Tamil

MH370 pilot signed off '12 minutes into new path'

கோலாலம்பூர்: மலேசிய விமானத்தின் இணை விமானி ஃபரிக் அப்துல் ஹமீது விமான போக்குவரத்து கட்டுப்பாட்டு அறையை தொடர்பு கொள்வதற்கு 12 நிமிடங்களுக்கு முன்பே விமானம் வழக்கமான பாதையில் இருந்து விலகிச் சென்றுள்ளது கண்டுபிடிக்கப்பட்டுள்ளது.

மாயமான மலேசிய விமானத்தின் பாதையை விமானி அறையில் உள்ள கம்ப்யூட்டர் மூலம் மாற்றப்பட்டுள்ளது என்று செய்திகள் வெளியாகியுள்ளன. இந்நிலையில் விமானத்தின் வழக்கமான பாதை மாற்றப்பட்ட 12 நிமிடங்கள் கழித்து தான் இணை விமானி ஃபரிக் அப்துல் ஹமீது
விமான போக்குவரத்து கட்டுப்பாட்டு அறையை தொடர்பு கொண்டுள்ளார்.

விமானம் பாதை மாறியும் அவர் எதுவுமே நடக்காதது போன்று ஆல் ரைட், குட்நைட் என்று தெரிவித்துள்ளார். அதன் பிறகு விமானம் மாயமாகிவிட்டது. விமானம் பாதை மாறிச் செல்வதை இணை விமானி உணர்ந்திருக்கக்கூடும் என்று கூறப்படுகிறது.

இது குறித்து பெடரல் விமான போக்குவரத்து நிர்வாகத்தின் முன்னாள் செய்தித் தொடர்பாளர் ஸ்காட் ப்ரென்னர் கூறுகையில்,

விமானி அல்லது இணை விமானி ஏதோ செய்வதற்காக விமானத்தை வேறு பாதையில் கொண்டு சென்றுள்ளனர். அவர்கள் ஏதோ தீய செயலை செய்யவே விமானத்தை பாதை மாறி கொண்டு சென்றுள்ளனர் என்றார்.