சோடா கம்பெனி ஆரம்பிக்க ஆசைப்பட்ட மைக்கேல் ஜாக்சன்!!!

Published: Tuesday, September 17, 2013, 16:05 [IST]

Subscribe to Oneindia Tamil

லாஸ் ஏஞ்சலெஸ்: மறைந்த மைக்கேல் ஜாக்சனின் ரகசிய டைரி ஒன்று கிடைத்துள்ளது. அதில், அவரது சின்னச் சின்ன ஆசைகளை நிறைய எழுதி வைத்துள்ளார் ஜாக்சன்.

ஒவ்வொரு பெரிய மனிதருக்குள்ளும் இன்னொரு நபர் இருப்பார். உண்மையில் அவர்தான் ஒரிஜினல் நபராகவும் இருக்கும்.

அந்த வகையில் மைக்கேல் ஜாக்சன் ஒரு நல்ல டான்ஸர் என்று மட்டுமே நமக்குத் தெரியும். ஆனால் நமக்குத் தெரியாத ஜாக்சனின் பல முகங்களை அவரது ரகசிய டைரி வெளிப்படுத்துகிறது.

நடிப்பு தாகம்

ஜாக்சனுக்குள் நடிப்பு தாகம் நிறையவே இருந்தருக்கிறது. பெரிய நடிகராக வேண்டும் என்று ஆசைப்பட்டுள்ளார்.

டான்ஸில் பெரிய ஆளாக வேண்டும்

பின்னர் நடனத்தில் மிகப் பெரிய புகழைப் பெற வேண்டும் என்று ஆசைப்பட்டுள்ளார். அதுவும் எப்படி, உலகப் புகழ் பெற்ற ஜீன் கெல்லி, பிரெட் அஸ்டையர் ஆகியோரை விட மிகப் பெரிய புகழைப் பெற விரும்பியுள்ளார்.

பெரிய்ய்ய ஆளாக வேண்டும்

தனது டைரியில், நடிகராக வேண்டும். அப்போதுதான் பெரும் புகழைப் பெற முடியும். மிகப் பெரிய ஆளாக வேண்டும் என்று எழுதியுள்ளார் ஜாக்சன்.

சிமோன் புல்லருடன் இணையும் விரும்பினார்

சினிமாவில் நுழைந்து கலக்குவதற்காக அமெரிக்காவின் பிரபலமான சிமோன் புல்லரின் உதவியையும் நாட திட்டமிட்டிருந்தாராம் ஜாக்சன்.

6 வருஷம் ஆகுமா...

ஒரு படத்தில் நடித்து பெரிய ஆளாக 2 அல்லது 6 வருடமாகுமா.. ஆகட்டுமே.. புல்லரைப் பிடித்தால் ஆயிற்று என்று டைரியில் குறிப்பிட்டுள்ளார் ஜாக்சன்.

பிராட்வேயில் நாடகம் போட வேண்டும்

அதேபோல பிராட்வேயில் ஒரு நாடகம் போட வேண்டும் என்ற ஆசையும் இருந்துள்ளது ஜாக்சனுக்கு. இதன் மூலம் நடிகர், இயக்குநர் என பல அவதாரம் எடுத்து பெரும் பணக்காரர் ஆகி விடலாம் என்று அவர் விரும்பினாராம்.