சாம்பியன் பெல்ப்ஸின் மனதில் நீச்சலடிக்கும் மிஸ் கலிபோர்னியா நிக்கோல்!

Updated: Tuesday, March 3, 2015, 8:20 [IST]

Subscribe to Oneindia Tamil

லாஸ் ஏஞ்சலெஸ்: பிரபல நீச்சல் வீரர் மைக்கேல் பெல்ப்ஸ் விரைவில் தனது காதலி நிக்கோலைக் கரம் பிடிக்க இருக்கிறார்.

உலக சாதனைகள் பலவற்றைப் படைத்துள்ள அமெரிக்க ஒலிம்பிக் சாம்பியன் மைக்கேல் பெல்ப்ஸ் மணக்கப் போகும் நிக்கோல் ஜான்சன் சாதாரண பெண் அல்ல.. மிஸ் கலிபோர்னியா பட்டம் வென்ற பேரழகி.

இவர்கள் இருவரும் கடந்த 2007ம் ஆண்டிலிருந்தே காதலித்து வருகின்றனர். இந்த நிலையில் தற்போது பெல்ப்ஸும், நிக்கோலும் திருமணம் செய்து கொள்ள முடிவு செய்து நிச்சயதார்த்தமும் முடிந்து விட்டது.

சாதனையாளர்...

ஒலிம்பிக்கில் 18 தங்கம் உள்பட மொத்தம் 22 பதக்கங்களை வென்ற சாதனையாளர் பெல்ப்ஸ். ஒட்டுமொத்தமாக 77 பதக்கங்களைக் குவித்தவர். உலகின் மிகச் சிறந்த நீச்சல் வீரர் என்ற பெருமையும் கொண்டவர்.

உற்சாகம்...

தற்போது அவர் மிகப் பெரிய உற்சாகத்தில் தான் இருப்பதாக இன்ஸ்டாகிராம் மூலம் தெரிவித்துள்ளார். தனக்கும் நிக்கோலுக்கும் திருமணம் நடக்கப் போவதையும் அவர் சந்தோஷத்துடன் பகிர்ந்து கொண்டுள்ளார்.

திருமதி பெல்ப்ஸ்...

அதேபோல நிக்கோலும் தனது இன்ஸ்டாகிராம் பக்கத்தில் நான் திருமதி பெல்ப்ஸ் ஆகப் போகிறேன் என்று பெருமிதத்துடன் கூறியுள்ளார்.

பொத்தி வைத்திருந்த காதல்...

இருவருக்கும் சம வயதாகிறது. அதாவது 29 வயதாகிறது. இத்தனை காலமாக பொத்தி வைத்திருந்த காதலை இப்போது திருமணத்தில் முடிக்கப் போகிறார்கள் இருவரும்.

மிஸ்.கலிபோர்னியா....

நீச்சலில் பெல்ப்ஸ் கலக்குகிறார் என்றால் அழகிலும் கவர்ச்சியிலும் நிக்கோல் அசத்துகிறார். இவரைப் பற்றிய பேச்சுத்தான் இப்போது அமெரிக்காவில்.இவர் 2007ம் ஆண்டு மிஸ் கலிபோர்னியா அழகிப் போட்டியில் முதல் ரன்னர் அப் ஆக வந்தவர். ஆனால் 2010ம் ஆண்டு டைட்டில் வென்றார் என்பது குறிப்பிடத்தக்கது.