மைக்ரோசாப்ட் சிஇஓ நாதெல்லாவின் வருடாந்திர சம்பளம் ரூ.112 கோடி மட்டுமே
நியூயார்க்: மைக்ரோசாப்ட் நிறுவனத்தின் சிஇஓவாக பொறுப்பேற்றுள்ள சத்யா நாதெல்லாவின் வருடாந்திர சம்பளம் ரூ.112 கோடி ஆகும். இது தவிர அவருக்கு பிற சலுகைகளும் கிடைக்கும்.
மைக்ரோசாப்ட் நிறுவனத்தில் கடந்த 1992ம் ஆண்டில் இருந்து பணிபுரியும் ஆந்திர மாநிலம் ஹைதராபாத்தைச் சேர்ந்த சத்யா நாதெல்லா அந்த நிறுவனத்தின் சிஇஓவாக நியமிக்கப்பட்டுள்ளார்.
சிஇஓவாக பொறுப்பேற்றுள்ள அவரின் வருடாந்திர சம்பளம் ரூ.112 கோடி ஆகும். அதில் போனஸ் மட்டும் 3.6 மில்லியன் அமெரிக்க டாலர் ஆகும். இது தவிர அவருக்கு நிறுவனத்தின் பங்குகள் மூலம் 13.2 மில்லியன் டாலர்கள் கிடைக்கும். ஆக மொத்தம் அவரது சம்பளம் 18 மில்லியன் டாலர் அதாவது ரூ.112 கோடி.
ரொக்கமாக வழங்கப்படும் போனஸ் 0 முதல் 300 சதவீதம் வரை நாதெல்லாவுக்கு வழங்கப்படும். ஆனால் அவரது வேலையை பார்த்து போர்டு உறுப்பினர்கள் தான் போனஸ் சதவீதத்தை முடிவு செய்வார்கள்.
நாதெல்லாவுக்கு கடந்த ஆண்டு 1.6 மில்லியன் டாலர் போனஸ் கிடைத்ததாக தகவல்கள் கிடைத்துள்ளன. மைக்ரோசாப்ட் நிறுவனத்தின் சர்வர் மற்றும் டூல்ஸ் பிசினஸ் பிரிவு தலைவராக இருந்த நாதெல்லாவுக்கு கடந்த 2013ம் நிதியாண்டில் ரூ.4 கோடியே 22 லட்சத்து 21 ஆயிரத்து 096 சம்பளமாக கிடைத்துள்ளது.
Click it and Unblock the Notifications
Sign in with Google