For Daily Alerts
Just In
சுவிட்சர்லாந்தில் நடுவானில் 2 விமானங்கள் மோதல்: 6 பயணிகள் படுகாயம்
ஜெனிவா: சுவிட்சர்லாந்தில் இரண்டு இலகு ரக விமானங்கள் நடுவானில் மோதிக் கொண்டதில் 6 பயணிகள் படுகாயம் அடைந்தனர்.
சுவிட்சர்லாந்தின் வடக்கு கிழக்கில் மலைப்பகுதியில் அமைந்துள்ளது புனித காலன் நகரம். இந்த நகரின் மீது ஞாயிற்றுக்கிழமை மதியம் 2 இலகு ரக விமானங்கள் பறந்தன. நடுவானில் அந்த விமானங்கள் மோதிக் கொண்டன. இதையடுத்து ஒரு விமானம் புனித காலன் நகரில் விழுந்து நொறுங்கியது. இதில் அந்த விமானத்தில் இருந்த 4 பேர் படுகாயம் அடைந்தனர்.
மற்றொரு விமானம் அருகில் உள்ள சிட்டர்டார்ப் பகுதியில் அவசரமாக தரையிறக்கப்பட்டது. அதில் இருந்த 2 பேரும் படுகாயம் அடைந்துள்ளனர். எந்த சூழலில் இந்த விபத்து நடந்தது என்பது குறித்து போலீசார் தெரிவிக்கவில்லை.
நடுவானில் இரண்டு விமானங்கள் மோதிக் கொண்டது அப்பகுதியில் பெரும் பரபரப்பை ஏற்படுத்தியுள்ளது என்பது குறிப்பிடத்தக்கது.
English summary
A collision between two light aircraft in Switzerland on Monday has left six people with serious injuries, according to police.
Story first published: Monday, August 25, 2014, 11:41 [IST]