இந்த பக்கி உடம்பு பூரா பச்சையைக் குத்திட்டு படுற பாட்டைப் பாருங்களேன்!

லண்டன்: ரசிப்புக்கும், ரசனைக்கும் வயது ஒரு தடையல்ல என்பார்கள். அது 43 வயதான கார்ல் மெக்காய்ட் என்ற இந்த இங்கிலாந்து நபருக்கும் பொருந்தும். ஆனால் இவரது ரசனை கொஞ்சம் ஓவராகி தற்போது இவருக்கு ஜோடி கிடைக்காத நிலையை ஏற்படுத்தி விட்டது.

பாடகி மைலி சிரஸ் என்றார் கார்ல் மெக்காய்டுக்கு உயிர். அப்படி ஒரு ரசிகர். சாதா ரசிகர் இல்லை பாஸ்.. படு தீவிரமான ரசிகர். இதன் காரணமாக சிரஸ் பெயரையும், அவர் சம்பந்தப்பட்ட விஷயங்களையும் தனது உடலில் பச்சை குத்தி வைத்துள்ளார் கார்ல். ஒன்று இரண்டு இல்லை, 29 பச்சை குத்தியுள்ளார்.

ஆனால் இன்று இந்த பச்சையெல்லாம் சேர்ந்து இவரது காதல் வாழ்க்கைக்கு ஆப்பு வைத்து விட்டது. இவரது தீவிர சிரஸ் வெறியைப் பார்த்து எந்தப் பெண்ணும் இவரை காதலிக்க முன்வருவதில்லையாம். அட, இதெல்லாம் சும்மா ஜாலிக்கும்மா.. உன்னை மட்டும்தான் நெஞ்சில் சுமப்பேன் என்று சத்தியம் பண்ணாத குறையாக கூறிக் கூப்பிட்டும் யாரும் காதலிக்க மாட்டேன் என்று சொல்கிறார்களாம்.

இதுகுறித்து அவர் கூறுகையில், எனக்கு காதலி கிடைப்பது மிக மிக அரிதாக உள்ளது. அப்படியே காதலிக்க யாராவது கிடைத்தாலும் கூட எனது பச்சைகளைப் பார்த்து விட்டு ஓடிப் போய் விடுகிறார்கள். கொஞ்சம் கஷ்டமாகத்தான் உள்ளது என்கிறார் சிரித்தபடி.

மனிதரின் உடம்பில் எங்கு பார்த்தாலும் மைலி சிரித்துக் கொண்டிருக்கிறார். கழுத்து, மார்பு, முதுகு, கை, தொடை என எதையும் விடவில்லை கார்ல்.

மைலியின் பெயர், முகம், அவரது பேச்சுக்கள் என விதம் விதமாக டிசைன் டிசைனாக பச்சை குத்தியிருக்கிறார் கார்ல். தற்போது காதலி கிடைப்பது குதிரைக் கொம்பாக இருப்பதால் ஒவ்வொரு பச்சையாக அழித்து வருகிறாராம். செலவுதான் ஜாஸ்தியாக இருக்கிறதாம்.

இவர் இவ்வளவு சிரமப்பட்டு பச்சை குத்தியுள்ள நிலையில் இதை கேலி செய்து கமெண்ட் அடித்துள்ளார் மைலி என்பது முக்கியமானது. கார்ல் குறித்து அவரிடம் கேட்கப்பட்டபோது, கருமம் கருமம்... அந்த பச்சையைப் பார்த்தால் எனக்கே அசிங்கமாக, அருவெருப்பாக இருக்கிறது என்று கூறி கார்ல் மெக்காய்டை அதிர வைத்துள்ளார் மைலி.

தேவையா தம்பி இதெல்லாம்!

English summary

Pop diva Miley Cyrus tattoos are ruining this man's love life in England.