ஸ்பெயின் ராணுவ விமானம் விபத்து... 7 பேர் கதி என்ன?

ஸ்பெயின்: ஸ்பெயின் நாட்டு ராணுவத்திற்குச் சொந்தமான சரக்கு விமானம் ஒன்று கோகோ கோலா நிறுவன தொழிற்சாலை மீது மோதி விபத்துக்குள்ளானது. இதில் பயணித்த 7 பேரின் கதி என்னவானது என்ற அச்சம் எழுந்துள்ளது.

ஏ400 எம் என்ற அந்த கார்கோ விமானம் செவில்லி நகரத்திற்கு அருகே பறந்து கொண்டிருந்த போது இந்த விபத்து நேரிட்டதாக தெரிகிறது. கோகோ கோலா தொழிற்சாலை மீது சடாரென்று மோதி கீழே விழுந்த விமானம் தீ பற்றி எரிந்தது. விழுந்த வேகத்தில் தீ ஜூவலையும் கரும்புகையும் கிளம்பியதாக அங்கிருந்து வெளியாகும் தகவல்கள் தெரிவிக்கின்றன.

இந்த விமானத்தில் ஏழு பேர் பயணித்துள்ளனர். அவர்கள் அனைவரின் கதி என்னவானது என்பது தெரியவில்லை. ஏழுபேரும் உயிரிழந்திருக்கக் கூடும் என்று அஞ்சப்படுகிறது. செவில்லி விமான நிலையத்திற்கு அருகிலேயே இந்த விபத்து நடந்துள்ளது என்பது குறிப்பிடத்தக்கது.

English summary

Dramatic images of the crash, which reportedly happened near the city of Seville, involved a large A400M cargo aircraft. Plumes of black smoke were captured billowing from the scene.