காதலி 'கேப்டன்' நாதிராவை மணக்க திட்டமிட்ட மாயமான விமானத்தின் பைலட்

கோலாலம்பூர்: மாயமான விமானத்தின் இணை விமானியான ஃபரிக் அப்துல் ஹமீது தனது காதலியான விமானி நாதிராவை திருமணம் செய்ய திட்டமிட்டிருந்தாராம்.

மாயமான மலேசிய விமானத்தின் இணை விமானி ஃபரிக் அப்துல் ஹமீது(27). அவர் மலேசிய ஏர்லைன்ஸின் மூத்த விமானி ஒருவரின் மகளான கேப்டன் நாதிரா ரம்லியை(26) காதலித்து வருகிறார். நாதிரா ஏர்ஏசியா ஏர்லைன்ஸில் விமானியாக உள்ளார்.

மலேசியா ஏர்லைன்ஸில் கடந்த 2007ம் ஆண்டு முதல் பணியாற்றி வரும் ஹமீது கடந்த 9 ஆண்டுகளாக நாதிராவை காதலித்து வருகிறார். இந்நிலையில் அவர் நாதிராவை திருமணம் செய்ய திட்டமிட்டிருந்தார். ஹமீது சென்ற விமானம் மாயமானதை அடுத்து அவரது தாய்க்கு ஆதரவாக இருக்க ஏர் ஏசியா நாதிராவுக்கு ஒரு மாதம் விடுப்பு அளித்துள்ளது.

நாதிரா தற்போது ஹமீதின் தாயாருடன் கோலாலம்பூரில் உள்ள ஹோட்டல் ஒன்றில் தங்கி உள்ளார். ஹமீதும், நாதிராவும் லாங்கவி விமான பயிற்சி பள்ளியில் ஒன்றாக படித்தவர்கள்.

விமானம் மாயமானதற்கு விமானி அல்லது விமானிகள் தான் காரணம் என்ற சந்தேகம் வலுத்துள்ளது என்பது குறிப்பிடத்தக்கது.

English summary

Fariq Abdul Hamid, the co- pilot of the missing Malaysia Airlines plane, never imagined his journey on flight MH370 would ruin his marriage plan. 27-year-old Fariq was planning to marry 26-year-old Capt Nadira Ramli, a fellow pilot from another airline AirAsia, Sabah-based Daily Express reported today.