திரைப்படமாகிறது அமெரிக்க அதிபர் ஒபாமா, மிஷல் காதல்: ஜூலையில் படப்பிடிப்பு

வாஷிங்டன்: அமெரிக்க அதிபர் ஒபாமா, அவரது மனைவி மிஷலின் காதல் கதை திரைப்படமாக உள்ளது.

அமெரிக்க அதிபர் ஒபாமா, மிஷலை 3 ஆண்டுகள் காதலித்து திருமணம் செய்து கொண்டார். இந்நிலையில் அவர்களின் காதல் கதை சவுத்சைட் வித் யூ என்ற பெயரில் படமாக உள்ளது.

ரிச்சர்ட் தன்னே இயக்கும் இந்த படத்தை டிரேசி பிங் மற்றும் ஸ்டெபனீ அலெய்ன் ஆகியோர் தயாரிக்கிறார்கள். படத்தில் மிஷலாக கெட் ஆன் அப் நடிகை டிகா சம்ப்டர் நடிக்கிறார். ஒபாமாவாக நடிக்க வைக்க ஆளை தேடி வருகிறார்கள்.

ஒபாமா 1989ம் ஆண்டு மிஷலை தன்னோடு சிகாகோ ஆர்ட் இன்ஸ்டிடியூட்டுக்கு வருமாறு அழைக்க அவரும் அவரின் அழைப்பை ஏற்றுக் கொண்டார். ஒபாமா, மிஷலின் இந்த முதல் டேட்டிங் சம்பவத்தை மையமாக வைத்து படத்தை எடுக்கிறார்கள்.

படப்பிடிப்பு வரும் ஜூலை மாதம் சிகாகோவில் துவங்குகிறது. 3 ஆண்டுகள் காதலித்த ஒபாமாவும், மிஷலும் 1992ம் ஆண்டு அக்டோபர் மாதம் 3ம் தேதி திருமணம் செய்து கொண்டனர்.

English summary

A movie about the US President Barack Obama and First Lady Michelle Obama is being developed. Southside with You will focus on the couple's romance, particularly the summer 1989 afternoon when he wooed her into a first date across Chicago's South Side, reported Deadline.