25வது பிறந்த நாள்... பக்கிங்காம் அரண்மனையை காரில் வலம் வந்து கொண்டாடிய "மிஸ்டர் பீன்"
லண்டன்: மிஸ்டர் பீன் கதாபாத்திரத்தை யாரும் மறந்து விட முடியாது. இந்த கதாபாத்திரம் பிறந்து 25 வருடங்களாகி விட்டது. இதையடுத்து இந்த கதாபாத்திரமாக நடித்து, அதுவாகவே மக்கள் மனதில் பதிந்து போய் விட்ட நடிகர் ரோவன் அட்கின்சன், மிஸ்டர் பீன் காட்சி ஒன்றை நிஜமாகவே பக்கிங்காம் அரண்மனை முன்பு நடத்திக் காட்டி மக்களை மகிழ்வித்தார்.
இங்கிலாந்து நடிகரான ரோவன் அட்கின்சனுக்கு வயது 60 ஆகி விட்டது. ஆனால் அவரது மிஸ்டர் பீன் கதாபாத்திரத்திற்கு வயது 25 ஆகிறது. உலகம் முழுவதும் மக்கள் மனதில், குறிப்பாக சிறார்கள் மனதில் நிலை கொண்டிருக்கும் ஒரு முக்கியப் பாத்திரம்தான் இந்த மிஸ்டர் பீன்.
இந்த கதாபாத்திரத்தின் சில்வர் ஜூப்ளி வருடத்தையொட்டி பக்கிங்காம் அரண்மனை முன்பு அனைவரையும் மகிழ்விக்கும் வகையில் ஒரு நிகழ்ச்சியை நிகழ்த்திக் காட்டினார் ரோவன் அட்கின்சன்.
மினி கார்...
தனது மிஸ்டர் பீன் வீடியோக்களில் வலம் வரும் தனது ராசியான மினி காரில் ஏறி லண்டன் நகரை வலம் வந்தார் ரோவன். மிஸ்டர் பீன் காட்சிகளில் வருவதைப் போலவே இதையும் அவர் வடிவமைத்து மக்களைக் குஷிப்படுத்தினார்.
நகர்வலம்...
பக்கிங்காம் அரண்மனையை சுற்றி வந்த ரோவன், செயின்ட் ஜேம்ஸ் பார்க், லண்டன் நகரின் பிற பகுதிகள் என பல பகுதிகளிக்கும் அவர் வலம் வந்து மக்களை ஆச்சரிய்படுத்தினார்.
|
டெட்டி பொம்மை...
கூடவே அவரது டெட்டி பொம்மையும் இந்த பயணத்தில் இடம் பெற்றிருந்தது. அதைப் பிடித்து அவ்வப்போது ஆட்டியபடி, தனது முட்டை விழியால் முழித்தபடி, புர் சிரிப்புடன் அசத்தினார் ரோவன்.
கார் முழுக்க பொருட்கள்...
1994ம் ஆண்டு வந்த மிஸ்டர் பீன் காட்சி ஒன்றில் ஏகப்பட்ட பொருட்களை வாங்கி கார் முழுக்க நிரப்பி தான் உட்கார இடம் இல்லாமல் பொருட்கள் மீது அமர்ந்து, பெரிய மாப்பு ஒன்றை வைத்து ஸ்டியரிங்கையும், கிளட்ச், கியர், பிரேக் போன்றவற்றையும் இயக்கி அசத்தியிருப்பார் ரோவன். அதே காட்சியைத்தான் லண்டன் வலத்தின்போது அரங்கேற்றியிருந்தார் ரோவன்.
25 வருடங்கள்...
ரோவன் நடித்த மிஸ்டர் பீன் முதல் காட்சி வெளியாகி 25 வருடங்களாகி விட்டதைத் தொடர்ந்து இந்த நகர் வலத்தை நடத்தினார் ரோவன்.
அனிமேஷனும் உண்டு...
மொத்தம் 15 காட்சிகளாக மிஸ்டர் பீன் படம் எடுக்கப்பட்டு உலகம் முழுவதும் இன்று வரை மக்களை மகிழ்வித்து வருகிறது. மேலும் இதை அனிமேஷனாவுகம் உருவாக்கியுள்ளனர்.