அமெரிக்காவில் புர்கா அணிந்ததால் இஸ்லாமிய பெண் பணிநீக்கம்

நியூயார்க்: அமெரிக்காவில் புர்கா அணிந்து வேலைக்கு வந்ததால் இஸ்லாமிய பெண் ஒருவர் பணிநீக்கம் செய்யப்பட்டுள்ளார்.

அமெரிக்காவில் உள்ள வெர்ஜினியா மாநிலத்தில் இருக்கும் பேர்பேக்ஸ் கவுன்ட்டியில் பேர் ஓக்ஸ் டென்டல் கேர் மருத்துவமனையில் உதவியாளராக இருந்தவர் நஜாப் கான். இஸ்லாமியரான அவர் புர்கா அணிந்து வேலைக்கு வந்ததால் பணிநீக்கம் செய்யப்பட்டுள்ளார்.

இது குறித்து நஜாப் கூறுகையில்,

புர்கா அணிந்ததால் என்னை பணிநீக்கம் செய்ததை அறிந்து அதிர்ச்சி அடைந்தேன். நான் இன்டர்வியூவுக்கு வந்தபோதும், வேலைக்கு சேர்ந்த முதல் இரண்டு நாட்களும் புர்கா அணியவில்லை. அதன் பிறகு அணியத் துவங்கினேன்.

இதை பார்த்த டாக்டர் சக் ஜூ புர்காவை கழற்றுமாறு கூறினார். நான் கேட்கவில்லை. என் மருத்துவமனையில் மதத்தால் பாகுபாடு இருக்கக் கூடாது என்று கூறி டாக்டர் என்னை பணிநீக்கம் செய்துவிட்டார் என்றார்.

English summary

A muslim woman was sacked from her work for wearing hijab in the USA.