இடுப்பு இப்படிப் பெருத்துருச்சே.. கிம் கர்தஷியானின் கவலை!

Published: Wednesday, August 6, 2014, 12:54 [IST]

Subscribe to Oneindia Tamil

லாஸ் ஏஞ்சலெஸ்: தனது எடை தாறுமாறாக கூடி விட்டதாகவும், இடுப்பும், பின்புறமும் பெரிதாகி விட்டதாகவும் கவலை தெரிவித்துள்ள கிம் கர்தஷியான், அதைக் குறைக்க கடுமையான உடற்பயிற்சியைத் தொடங்கியுள்ளதாக கூறியுள்ளார்.

இப்படிக் கூறியதற்கு முதல் நாள்தான் தனது முன்னழகு தெரியும் வகையில் கவர்ச்சிகரமான ஆடை அணிந்து ஜிம்மி கிம்மலின் சாட் ஷோவுக்கு வந்து போயிருந்தார் கிம்.

வந்த இடத்தில் யாராவது அவரிடம் உடம்பைப் பாருங்க என்று கூறியிருப்பார்களோ என்னவோ இப்போது உடல் எடையைக் குறைக்கும் வேலையில் தீவிரமாக இறங்கியுள்ளாராம் கிம்.

டிவிட்டரில் புலம்பல்

இதுகுறித்து டிவிட்டரிலும் கூட புலம்பியுள்ளார் கிம். ஒரு டிவிட்டில், என்னைப் போலவே குழந்தை பெற்ற எல்லோருக்குமே இப்படித்தான் உடம்பு பெருத்து விடுமா.. தெரியவில்லை. எது எப்படியோ உடல் எடை கூறி விட்டது உண்மை. அதைக் குறைத்தாக வேண்டும். எனவே குறைக்கப் போகிறேன் என்று கூறியுள்ளார்.

இப்படிப் பெரிதாகி விட்டதே

இன்னொரு டிவிட்டில் எனது இடுப்பும், பின்புறமும் ரொம்பப் பெருத்து விட்டது. இதைக் குறைக்க வேண்டும் என்று கூறியுள்ளார்.

ஒரு வயதுக் குழந்தைக்கு அம்மா

கிம் தனது காதலர் கென்யே வெஸ்ட் மூலம் கடந்த ஆண்டுதான் ஒரு குழந்தைக்குத் தாயானார். தற்போது அக்குழந்தைக்கு ஒரு வயதாகப் போகிறது.

பேபி வெயிட்டெல்லாம் கிடையாது

இன்னொரு டிவிட்டில், பேபி வெயிட் என்று இதைக் கூற மாட்டேன். அதெல்லாம் சும்மா சாக்கு. உடம்பு கூடிப் போச்சு. அதுதான் உண்மை. குறைக்க வேண்டியதுதான் என்று கூறியுள்ளார்.