நமஸ்தே ஏலியன்ஸ்... ஹ்ரித்திக்கின் ‘கொய் மில் கயா’ திட்டத்தைக் காப்பியடித்த நாசா!

Updated: Friday, July 31, 2015, 19:06 [IST]

Subscribe to Oneindia Tamil

நாசா: வேற்றுக்கிரகவாசிகள் குறித்த தேடும் படலம் தொடர்ந்தபடிதான் உள்ளது. இந்த நிலையில் வேற்றுக்கிரகவாசிகளுக்கு நாசா அனுப்பியுள்ள ஒரு செய்தியில் இந்தி, தெலுங்கு உள்ளிட்ட மொழிகள் இடம் பெற்றுள்ளது சுவாரஸ்யத்தைக் கூட்டியுள்ளது. ஆனால், இந்த மொழிப்பட்டியலில் செம்மொழியான தமிழ் இடம் பெறவில்லை.

இந்த நேரத்தில் நமக்கு ஒரு இந்திப் படம் ஞாபகத்திற்கு வருகிறது. கொய் மில் கயா படத்தில் ஹ்ரித்திக் ரோஷன், வேற்றுக் கிரகவாசிகளுடன் தொடர்பு கொள்வார். இந்தியில்தான் பேசியிருப்பார் அதில்.

இதை நாசா எப்படியோ மோப்பம் பிடித்து விட்டது போலும். அதே இந்தியை வைத்து வேற்றுக்கிரகவாசிகளைப் பிடித்து விடலாம் என்ற எண்ணத்திலோ என்னவோ இந்தியிலும் வேற்றுகிரகவாசிகளுக்கு வாசகத்தை அது அனுப்பியுள்ளது.

ஆடியோ பதிவு...

வேற்றுகிரகவாசிகள் யாரேனும் இருந்தால் அவர்கள் நம்முடன் தொடர்பு கொள்ள வசதியாக ஆடியோ பதிவை நாசா அனுப்பி வைத்து விண்வெளியில் உலவ விட்டுள்ளது.

55 மொழிகள்...

அதில் 55 மொழிகளில் இடம் பெற்ற பேச்சுக்கள் (இந்தி, தெலுங்கு, மராத்தி, பஞ்சாபி, பெங்காலி உள்பட), பல்வேறு நாட்டுக் கலாச்சாரம், சம்பவங்கள் குறித்த விவரங்கள் உள்ளிட்டவை இடம் பெற்றுள்ளன.

சவுன்ட்கிளவுட்...

இதை சவுன்ட்கிளவுடில் நாம் தற்போது கேட்க முடியும். அத்தனை சத்தத்தையும் நம்மால் கேட்க முடியும். முழுத் தொகுப்பும் சவுன்ட்கிளவுடில் இடம் பெற்றுள்ளது.

வாயேஜர் விண்கலம்...

இந்த தகவல்களைகடந்த 1977ம் ஆண்டு அமெரி்கா அனுப்பிய வாயேஜர் விண்கலம் மூலம் விண்வெளிக்கு அனுப்பி வைத்தது. இதில் மழையின் சத்தம், ஒரு தாய், குழந்தையின் சத்தம் உள்ளிட்ட பலவும் இடம்பெற்றுள்ளன.