100 புதிய கிரகங்களைக் கண்டுபிடித்தது நாசாவின் கெப்ளர் விண்கலம்!

நியூயார்க்: விண்வெளியில் 100க்கும் மேற்பட்ட புதிய கிரகங்களை நாசாவின் கெப்ளர் தொலைநோக்கி கண்டுபிடித்துள்ளது. முன்பு கண்டுபிடிக்கப்பட்டதை விட இப்போது இவற்றில் பல வித்தியாசமாக தோன்றுவதையும் கெப்ளர் விண்கலம் கண்டுபிடித்துள்ளது.

தற்போது கிடைத்துள்ள புதிய தகவல்களின்படி, இவற்றில் பல கிரகங்களின் சூரியன்கள் மிக மிக பிரகாசமாக இருப்பது தெரிய வந்துள்ளது. முன்பு கணித்ததை விட மிக சூடாகவும் இவை உள்ளனவாம்.

3 கிரகங்கள், நமது பூமியை விட மிகப் பெரியதாக உள்ளன. ஒரு கிரகமானது, ஹையடஸ் என்ற நட்சத்திரக் கூட்டத்திற்கு மத்தியில் உள்ளது. இந்த ஹையடஸ் நட்சத்திரக் கூட்டமானது, பூமிக்கு மிக நெருக்கத்தில் உள்ள ஒரு நட்சத்திரக் கூட்டமாகும்.

இன்னொரு கிரகமானது, குள்ள நட்சத்திரம் ஒன்றை சுற்றி வருவதும் தெரிய வந்துள்ளது.

இது போக மேலும் 243 கிரகங்கள் குறித்த தகவல்களையும் கெப்ளர் விண்கலம் அனுப்பியுள்ளது. அவை இன்னும் ஆய்வில் உள்ளதாக ஹார்வார்ட் ஸ்மித்சானியன் அஸ்ட்ரோ பிசிக்ஸ் மையத்தின் ஆண்ட்ரூ வான்டர்பர்க் கூறியுள்ளார்.

இதற்கு முன்பு அறியப்பட்ட பல புதிய கிரகங்கள் குறித்த புதிய தகவல்களையும் கெப்ளர் அனுப்பியுள்ளதாம். தொடர்ந்து அவை குறித்த விரிவான ஆய்விலும் கெப்ளர் ஈடுபட்டுள்ளதாக நாசா தெரிவித்துள்ளது.

கடந்த 2009ம் ஆண்டு முதல் கெப்ளர் விண்கலம் கிரகங்கள் குறித்த ஆய்வில் ஈடுபட்டுள்ளது. அன்று முதல் 2013ம் ஆண்டு வரை அது 1000க்கும் மேற்பட்ட கிரகங்கள் குறித்த தகவல்களை நமக்கு அளித்துள்ளது.

கடந்த 2014ம் ஆண்டு நெப்ட்யூன் கிரகத்தை கிட்டத்தட்ட 70 நாட்கள் கெப்ளர் ஆராய்ந்தது.

மேலும் நமது பூமியைப் போல ஒரு புதிய கிரகம் இருப்பதையும் கெப்ளர்தான் நமக்குக் கண்டுபிடித்துக் கொடுத்தது என்பது குறிப்பிடத்தக்கது. அந்த பூமியானது நமது பூமியை விட பெரியது. அதேபோல அந்த கிரகம் சுற்றி வரும் சூரியன் நமது சூரியனை விட மிகப் பிரகாசமானது, அழியும் நிலையில் உள்ளதையும் கெப்ளர் கண்டுபிடித்துத் தெரிவித்துள்ளது நினைவிருக்கலாம்.

English summary

NASA's planet-hunting revamped Kepler mission has found more than 100 confirmed planets orbiting other stars. The information about the planets, some of which are very different from what the spacecraft observed during its original mission, was shared by University of Arizona's Ian Crossfield at a conference of the American Astronomical Society, National Geographic reported.