இஸ்ரேல் நாடாளுமன்றத் தேர்தல்: பிரதமர் நெதன்யாகுவின் லிகுட் கட்சி மீண்டும் வெற்றி!

டெல் அவிவ்: இஸ்ரேல் நாடாளுமன்றத் தேர்தலில் பிரதமர் நெதன்யாகுவின் லிகுட் கட்சி வெற்றி பெற்றுள்ளது. இதர வலது சாரி கட்சிகளுடன் இணைந்து பிரதமர் நெதன்யாகு மீண்டும் கூட்டணி அரசை அமைக்கிறார்.

இஸ்ரேலின் தற்போதைய பிரதமர் பெஞ்சமின் நெதன்யாகு 6 ஆண்டுகளாகப் பிரதமர் பதவி வகித்து வருகிறார். அவரது பதவிக் காலம் முடிவதற்கு சுமார் 3 ஆண்டுகள் இருக்கும்போதே நாடாளுமன்ற பொதுத் தேர்தலை அறிவித்தார்.

This is a great victory for our nation. I'm proud of people of Israel who in the moment of truth knew what was important.

— בנימין נתניהו (@netanyahu) March 17, 2015

இந்தத் தேர்தலில் 25 கட்சிகள் போட்டியிட்டன. இஸ்ரேலில் சுமார் 60 லட்சம் வாக்காளர்கள் உள்ளனர். நாடு முழுவதும் 10 ஆயிரத்துக்கும் மேற்பட்ட வாக்குச் சாவடிகளில் நேற்று காலையில் 7 மணிக்கு வாக்குப் பதிவு தொடங்கியது. பிரதமர் நெதன்யாகு ஜெருசலேமில் வாக்களித்தார்.

இஸ்ரேலைப் பொறுத்தவரையில் எந்தக் கட்சியும் தனிப் பெரும்பான்மையுடன் ஆட்சி அமைப்பதில்லை. விகிதாசார அடிப்படையில் நாடாளுமன்றத்துக்கு உறுப்பினர்களை நியமிக்கும்.

இந்தத் தேர்தலில் மொத்தம் உள்ள 120 இடங்களில் நெதன்யாகுவில் லிகுட் கட்சி 30 இடங்களில் வென்றுள்ளது. எதிர்க்கட்சியான ஜியோனிஸ்ட் யூனியன் 24 இடங்களைக் கைப்பற்றியுள்ளது.

இத்தேர்தலிலும் வலதுசாரி லிகுட் கட்சியைச் சேர்ந்த நெதன்யாகு பிற வலதுசாரிக் கட்சிகளுடன் கூட்டணி அமைத்து மீண்டும் ஆட்சியைக் கைப்பற்ற இருக்கிறார். இது தொடர்பாக தமது ட்விட்டர் பக்கத்தில், இது இஸ்ரேலிய மக்களின் வெற்றி என்று பெருமிதம் தெரிவித்துள்ளார் நெதன்யாகு,.

English summary

Prime Minister Benjamin Netanyahu won a come-from-behind victory in Israel's election on Wednesday after tacking hard to the right in the final days of campaigning, including abandoning a commitment to negotiate a Palestinian state.