இதெல்லாம் அப்பவே எங்க "இடி அமீன்" செஞ்சுட்டாரு.. நீங்க ரொம்ப லேட் அமெரிக்கன்ஸ்!

வாஷிங்டன்: மழை படத்தில் ஒரு காமெடி வரும். அந்தக் காமெடிதான் இந்த செய்தியைப் படித்தபோது நினைவுக்கு வந்தது.

அமெரிக்க காமெடி நடிகரும், தயாரிப்பாளரும், திரைப்பட வசனகர்த்தாவுமான வில் பெர்ரல் ஒரு இணையதளத்தை உருவாக்கியுள்ளார். இது வானிலை அறிக்கை தொடர்பான இணையதளமாகும். முற்றிலும் நகைச்சுவையான வானிலை அறிக்கை இணையதளமாகும் இது. இதில் வானிலை குறித்த விவரத்தை நாம் அறிந்து கொள்ளலாம். இதில் போய் பார்த்தால், அதில் ஒரு இதில் ஒரு ஆப் உள்ளது. Funny Or Die நிறுவனம் உருவாக்கிய ஆப் அது. ஆப்பின் பெயரும் Funny Or Die தான்.

இந்த ஆப்பை உங்களது மொபைல் போனில் ஏற்றிக் கொள்ள வேண்டும். அதன் பிறகு இந்த தளத்திலிருந்து வானிலை செய்திகளை அறியலாம். வானிலை செய்தியுடன் கூடவே காமெடியான ஒரு வரி பன்ச் வசனங்களும் அதில் இணைந்து வருமாம்.

இதுகுறித்து Funny Or Die நிறுவனத்தின் டிக் குளோவர் கூறுகையில், இது உண்மையான வானிலை அறிக்கைதான். ஆனால் வானிலை என்பது துல்லியமாக கணிக்க முடியாதது. எனவே அதன் அடிப்படையில் சில நகைச்சுவைத் துணுக்குகளுடன் இந்த வானிலை அறிக்கையை நாங்கள் பயன்பாட்டாளர்களுக்கு வழங்குகிறோம் என்றார். இந்த ஆப் இலவசமானது.

இந்த வானிலை அறிக்கையுடன் வரும் நகைச்சுவைத் துணுக்குகளை நாம் இமெயிலுக்கும் அனுப்பிக் கொள்ளலாம், பேஸ்புக், டிவிட்டரிலும் ஷேர் செய்து கொள்ள வசதி செய்யப்பட்டுள்ளது.

ஆனால் அமெரிக்கர்கள் இதில் ரொம்ப லேட்தான். பல வருடங்களுக்கு முன்பு மழை படம் வந்தது. அதில் இடி அமீன் என்ற பெயரில் வானிலை அறிக்கை வாசிப்பவராக வருவார் மதன் பாப். வடிவேலுவிடம் அவர் சிக்கி படாதபாடு படுவார். விரலை வைத்து மழை வருமா வராதா என்றும் கூறி கலக்குவார். அந்த ஜோக்தான் இதைப் படிக்கையில் நினைவுக்கு வந்தது.

English summary

Here comes an ultimate app that not only alerts you about the weather but also entertains you with one-liners. The Funny Or Die comedy site, backed by American comedian, actor, producer, and writer Will Ferrell, has launched the "Funny Or Die" weather app for iOS devices.