அலுவலகத்தில் உங்கள் ஒவ்வொரு அசைவையும் கண்காணிக்கப் போகும் கருவி: உஷார்...

By Siva

Published: Monday, February 10, 2014, 11:51 [IST]

Subscribe to Oneindia Tamil

லண்டன்: அலுவலகத்தில் ஊழியர்கள் செய்யும் அனைத்து செயல்களையும் கவனிக்கும் கருவி ஒன்றை ஜப்பானிய நிறுவனம் ஒன்று கண்டுபிடித்துள்ளது.

அலுவலகத்தில் ஊழியர்கள் எவ்வளவு நேரம் வேலை பார்க்கிறார்கள், எத்தனை முறை இடத்தில் இருந்து எழுந்து செல்கிறார்கள் என்பதை உயர் அதிகாரிகள் பார்த்துக் கொண்டே இருப்பார்கள்.

இந்நிலையில் அவர்களின் வேலை எளிதாகவிருக்கிறது என்பது உங்களுக்கு தெரியுமா?

ஹிட்டாச்சி

ஜப்பானைச் சேர்ந்த எலக்ட்ரானிக்ஸ் பொருட்கள் தயாரிக்கும் நிறுவனமான ஹிட்டாச்சி பிசினஸ் மைக்ரோஸ்கோப் என்ற கருவியை உருவாக்கியுள்ளது. பேட்ஜ் அல்லது ஐடி கார்டு போன்று இருக்கும் இந்த கருவியில் சிப்கள்(chips) இருக்கும்.

ஊழியர்கள்

பிசினஸ் மைக்ரோஸ்கோப்பில் இருக்கும் சிப்கள் ஊழியர்கள் அலுவலகத்தில் நாள் முழுவதும் என்னவெல்லாம் செய்கிறார்கள் என்பதை தொடர்ந்து பதிவு செய்து கொண்டே இருக்கும்.

சக ஊழியர்கள்

பிசினஸ் மைக்ரோஸ்கோப் அடுத்தவர்கள் அணிந்திருக்கும் பேட்ஜை ரீட் செய்து ஊழியர்கள் எவ்வளவு தூரத்தில் நின்று கொண்டு பேசுகிறார்கள் என்பதையும் கணக்கிடும்.

பாஸ்

ஊழியர்கள் தங்கள் இருக்கையில் இருந்து எத்தனை முறை எழுந்து செல்கிறார்கள், எங்கெல்லாம் செல்கிறார்கள், எத்தனை முறை கழிவறைக்கு செல்கிறார்கள் என்பதை இக்கருவி உயர் அதிகாரிகளுக்கு தெரிவித்துவிடும். மேலும் அலுவலக கூட்டத்தில் ஒரு ஊழியர்கள் எத்தனை முறை பேசுகிறார், எவ்வளவு பயனுள்ள தகவல்களை அளிக்கிறார் என்பதையும் இக்கருவி தெரிவிக்குமாம்.