இந்த வருஷ தீபாவளிக்கு பள்ளிகளுக்கு லீவு.. மகிழ்ச்சியில் நியூஜெர்ஸி இந்தியர்கள்!

நியூஜெர்ஸி: அமெரிக்காவில் வசிக்கும் இந்திய மக்களின் நீண்ட நாள் கோரிக்கையை ஏற்று நியூஜெர்ஸி மாநிலத்தில் உள்ள ஒரு சிறு கல்வி மாவட்டத்தில் உள்ள பள்ளிகளுக்கு தீபாவளி அன்று விடுமுறை அளிக்கப்படும் என்று அறிவிப்பு வெளியாகியுள்ளது.

நியூஜெர்ஸியின் கிலன் ராக் கல்வி மாவட்டத்தில் உள்ள பள்ளிகளில் படிக்கும் இந்திய-அமெரிக்க பெற்றோர்கள் தங்கள் பிள்ளைகளுடன் தீபாவளி பண்டிகையை கொண்டாடும் வகையில் தீபாவளி தினத்தன்று பள்ளிகளுக்கு விடுமுறை அளிக்க வேண்டுமென்று கடந்த வருடம் கோரிக்கை வைத்திருந்தனர்.

இந்த கல்வி மாவட்டத்தில் உள்ள 6 அரசு பள்ளிகளில் 2300-க்கும் மேற்பட்ட மாணவர்கள் கல்வி பயின்று வரும் நிலையில் வளர்ந்து வரும் இந்திய சமூகத்தின் தேவைகளுக்கு மதிப்பளிக்கும் வகையில் வரும் நவம்பர் 11ஆம் தேதியன்று (தீபாவளி திருநாள்) பள்ளிகளுக்கு விடுமுறை அளிக்கப்படும் என்று மாவட்ட கல்வி வாரியம் அறிவித்துள்ளது.

கல்வித்துறையின் இந்த அறிவிப்பு மாவட்டத்தில் உள்ள இந்தியர்களுக்கு பெரும் மகிழ்ச்சியை ஏற்படுத்தியுள்ளது.

English summary

New Jersey School District Declares Public Holiday on Diwali, New Jersey School District Declares Public Holiday on Diwali