10 லட்சம் டாலர் மதிப்பில் ‘கம்பீர நீச்சலுடை’ அணிந்து போஸ் கொடுத்த மிஸ்.யுனிவர்ஸ்

மாஸ்கோ: மிஸ் யுனிவர்ஸ் பட்டம்வென்றுள்ள வெனிசுலாவின் கேப்ரியலா இஸ்லர், மிஸ் யுனிவர்ஸ் நிறுவனத்திற்காக தயாரிக்கப்பட்டுள்ள 10 லட்சம் டாலர் மதிப்பிலான நீச்சல் உடையை அணிந்து போஸ் கொடுத்தார்.

மாஸ்கோவில் நடந்த மிஸ் யுனிவர்ஸ் அழகிப் போட்டியில் பட்டம் வென்றுள்ளார் இஸ்லர். இதையடுத்து மாஸ்கோவின் கன்சர்ட் ஹாலில் நடந்த நிகழ்ச்சியில் மிஸ் யுனிவர்ஸ் என்ற அந்தஸ்துடன் 10 லட்சம் டாலர் மதிப்பிலான நீச்சல் உடையில் தோன்றி போஸ் கொடுத்தார்.

25 வயதாகும் இஸ்லர் பின்னர் செய்தியாளர்களிடமும் பேசினார். அப்போது அவர் கூறியதாவது...

ரொம்ப சந்தோஷம்....

மிஸ் யுனிவர்ஸ் அழகியாக எனது முதல் நாளை செலவிடுவதில் மகிழ்ச்சி அடைகிறேன். நான் ரொம்ப சாதாரணமான பெண். எளிமையானவள்.

வேடிக்கைத் தருணங்கள்...

வேடிக்கையுடன், இந்த நிமிடத்தை அனுபவிக்கவே இங்கு வந்திருக்கிறேன். இரவெல்லாம் எனது குடும்பத்தினர், நண்பர்களுடன் போனில் பேசிப் பேசிக் களித்தேன்.

ஏழாவது அழகி...

வெனிசுலாவைச் சேர்ந்த ஏழாவது மிஸ் யுனிவர்ஸ் அழகி நான் என்பது கெளரவமாக உள்ளது. 85 பேரை தோற்கடித்து இதை சாதித்துள்ளேன் என்றார்.

அச்சமில்லை...அச்சமில்லை

மிஸ் யுனிவர்ஸ் போட்டியின் இறுதிச் சுற்றில் கேட்கப்பட்ட கேள்விக்கு இஸ்லர் அளித்த பதில்தான் அவருக்கு பட்டத்தைக் கொண்டு வந்து கொடுத்தது. எது மிகப் பெரிய பயம் என்ற கேள்விக்கு அவர் பதிலளிக்கையில், அனைத்துப் பயங்களிலிருந்தும் நாம் விடுபட வேண்டும். அப்போதுதான் நாம் மேலும் வலுவடைய வாய்ப்பாக அது அமையும் என்று அதிரடியாக பதிலளித்தார் இஸ்லர்.

10 லட்சம் டாலர்...

இந்தப் போட்டிக்குப் பின்னர் இத்தாலி நாட்டின் உள்ளாடை நிறுவனத்தின் நீச்சல் உடை தயாரிப்பு நீச்சல் உடையில் தோன்றி காட்சி தந்தார். இந்த நீச்சல் உடை 10 லட்சம் டாலர் மதிப்பிலானதாகும்.

எளிய கம்பீரமான உடை...

இந்த நீச்சல் உடையில் எமரால்ட், ரூபி மற்றும் வைரக் கற்கள் பொறிக்கப்பட்டுள்ளது குறிப்பிடத்தக்கது. இந்த உடை குறித்து அவர் கூறுகையில், இது ரொம்ப எளிமையான உடை, ஆனால் கம்பீரமாக இருக்கிறது, என்னைப் போல என்றார்.

900 கற்கள்....

மொத்தம் 900 கற்களைக் கொண்டு இந்த உடையை உருவாக்கியுள்ளனராம். மிஸ் யுனிவர்ஸ் நிறுவனத்திற்காக இது தயாரிக்கப்பட்டுள்ளது.

விற்பனை....

இந்த உடை விற்பனைக்கு விடப்படுமா என்பதை மிஸ் யுனிவர்ஸ் நிறுவனத்தினர் தெரிவிக்கவில்லை. அதேபோல இஸ்லருக்கும் இந்த உடை அடுத்து எப்படி பயன்படுத்தப்படப் போகிறது என்று தெரியவில்லை. ஆனால் அதுவரை இதை அவரே வைத்திருப்பாராம்.

English summary

Newly crowned Miss Universe, Gabriela Isler of Venezuela, took up her duties in Moscow, twirling in a jewel-studded swimming costume valued at $ 1 million. Isler, 25, spoke to reporters a day after winning the title at a glitzy ceremony at a Moscow concert hall, saying she had stayed up all night talking to friends and family on the phone.