ஜிக்கா வைரஸ் செக்ஸ் மூலம் பரவுகிறதா?: ஆய்வில் இறங்கிய நியூசிலாந்து
கான்பெர்ரா: ஜிக்கா வைரஸ் செக்ஸ் உறவு மூலம் பரவுகிறதா என்று நியூசிலாந்தில் ஆய்வு நடந்து வருகிறது.
தென் அமெரிக்க நாடுகளில் ஜிக்கா வைரஸ் வேகமாக பரவி வருகிறது. இந்த வைரஸ் ஏடீஸ் வகை கொசுக்களால் பரவுகிறது. ஜிக்கா வைரஸால் பாதிக்கப்பட்டுள்ள ஆண்கள் பாதுகாப்பில்லாமல் உடலுறவு கொண்டால் அதன் மூலம் பெண்களுக்கு வைரஸ் பரவுகிறது என்று விஞ்ஞானிகள் கூறி வருகின்றனர்.
இந்நிலையில் ஜிக்கா வைரஸால் பாதிக்கப்பட்டுள்ள நாட்டிற்கு சென்று வந்த நியூசிலாந்து நபர் ஒருவருக்கு வைரஸ் பாதிப்பு ஏற்பட்டுள்ளது. இந்நிலையில் நியூசிலாந்தை விட்டு வெளியேறாத அவரது காதலிக்கும் ஜிக்கா வைரஸ் பாதிப்பு ஏற்பட்டுள்ளது.
நாடு திரும்பிய பிறகு அந்த நபர் தனது காதலியுடன் உறவு கொண்டுள்ளார். அதன் பிறகு அந்த பெண்ணிற்கு ஜிக்கா வைரஸ் பாதிப்பு ஏற்பட்டுள்ளது. இந்நிலையில் செக்ஸ் உறவு மூலம் ஜிக்கா வைரஸ் பரவுகிறதா என்று நியூசிலாந்து விஞ்ஞானிகள் ஆய்வை துவங்கியுள்ளதாக அந்நாட்டு சுகாதாரத் துறை அமைச்சகம் தெரிவித்துள்ளது.
நியூசிலாந்தில் இதுவரை 71 பேருக்கு ஜிக்கா வைரஸ் பாதிப்பு ஏற்பட்டுள்ளது. அதில் பெரும்பாலானவர்கள் ஜிக்கா வைரஸ் பாதிப்புள்ள நாடுகளுக்கு சென்றபோது வைரஸ் பாதிப்புக்கு உள்ளாகியுள்ளனர்.
Click it and Unblock the Notifications
Sign in with Google