கண்ணுல அந்த வெறி.. நியூசிலாந்து நாடாளுமன்றத்தை அதிர வைத்த ஹானா! உலகம் முழுக்க ஃபேமஸ் ஆயிட்டாங்க!

வெலிங்டன்: நியூசிலாந்தில் மவோரி பழங்குடி மக்களுக்கு எதிரான சட்ட திருத்தத்திற்கு எதிர்ப்பு தெரிவித்து அந்த இனத்தைச் சேர்ந்த எம்பியான ஹானா ரவ்ஹிடி ஆக்ரோஷமாக பழங்குடியின பாடலை பாடியதோடு சட்ட திருத்த மசோதாவை கிழித்து எறிந்தார். தற்போது இந்த வீடியோ உலகம் முழுவதும் பகிரப்பட்டு வருகிறது.

நியூசிலாந்து நாட்டில் கடந்த ஆண்டு அக்டோபர் மாதத்தில் நாடாளுமன்ற தேர்தல் நடைபெற்றது. அதில் தேசிய கட்சி வெற்றி பெற்று ஆட்சி அமைத்தது. அந்த தேர்தலில் மவோரி பழங்குடியின மக்களின் நியூசிலாந்து டி பாடி மவோரி கட்சியைச் சேர்ந்த ஆறு பேர் எம்பிக்களாக தேர்ந்தெடுக்கப்பட்டனர்.

அவர்களில் 21 வயதான ஹானா ரவ்ஹிடி மைபி க்ளார்க்கும் எம்பியாக தேர்ந்தெடுக்கப்பட்டார். சுமார் 250 ஆண்டு கால நாடாளுமன்ற வரலாற்றில் நியூசிலாந்தின் மிக இளம் வயது எம்பி என்ற பெருமையை பெற்றவர் தான் ஹானா ரவ்ஹிடி மைபி க்ளார்க்.

முதன்முறையாக நாடாளுமன்றத்தில் பேசிக் கொண்டிருக்கும் போது தனது பேச்சின் இடையில் தங்கள் இனத்தின் போர் பாடலை ஆக்ரோஷமாக பாடி உலகம் முழுவதும் பரபரப்பை ஏற்படுத்தி இருந்தார். இந்த நிலையில் மீண்டும் உலக அளவில் ட்ரெண்டிங் ஆகி இருக்கிறார். நியூசிலாந்து நாட்டில் மவோரி பழங்குடியின மக்களுக்கும் பிரிட்டன் அரசுக்கும் இடையே 1840 இல் பாரம்பரிய ஒப்பந்தம் ஒன்று மேற்கொள்ளப்பட்டது.

வைதாங்கி ஒப்பந்தம் என அழைக்கப்படும் அது பிரிட்டன் அரசு பிரதிநிதிகளுக்கும் மவோரி பழங்குடியின தலைவர்களுக்கும் இடையே மேற்கொள்ளப்பட்டது. அதில் மாவோரி பழங்குடி மக்களுக்கு சலுகைகள் உரிமைகள் வழங்க வகை செய்யப்பட்டிருந்தது, இந்நிலையில் ஒப்பந்தத்தில் மாற்றம் செய்ய நியூசிலாந்து நாடாளுமன்றத்தில் மசோதா தாக்கல் செய்யப்பட்டது.

New Zealand Haka Protest: NZ's Youngest MP Hana-Rawhiti Maipi-Clarke Performs Traditional Maori Dance, Tears Copy of Treaty Principles Bill As She Leads Stir in Parliament (Watch Video)https://t.co/Gq0wDYuFvk#NewZealand #HanaRawhiti #Haka #protest #Parliament #maoridance pic.twitter.com/yF4FlZSPJQ

— Prof Dr Shibu A (@shibu_prof) November 15, 2024

இதற்கு டி பாடி மாவோரி கட்சி எம்பியான ஹானா ரவ்ஹிடி மைபி க்ளார்க் கடும் எதிர்ப்பு தெரிவித்தார். இது தொடர்பான விவாதத்தின் போது இளம் எம்பி என ஹானா ரவ்ஹிடி தங்களது போர் பாடலை ஆக்ரோசத்துடன் பாடி மசோதா நகலை கிழித்து எறிந்தார். தொடர்ந்து அவருடன் மற்ற எம்பிக்களும் சேர்ந்து கொண்டு தங்களது போர் பாடலை பாடினர்.

அவர்களது பாடலும் ஆக்ரோஷம் நிறைந்த முகமும் அந்த நடனமும் நியூசிலாந்து நாடாளுமன்றத்தையே பரபரப்பில் ஆழ்த்தியது. இதனால் சற்று அதிர்ச்சி அடைந்த நாடாளுமன்ற சபாநாயகர் அவர்கள் அனைவரையும் அவையில் இருந்து வெளியேற்றினார். இந்த நிலையில் ஒடுக்கப்பட்ட சமூகங்கள் உலகம் முழுவதும் கொடுக்க ஆரம்பித்துவிட்டது இனி அரசுகள் அதிரும் என அந்த வீடியோவை பலரும் பகிர்ந்து வருகின்றனர்.

English summary

New Zealand MP Hana-Rawhiti, a member of the Maori community, passionately opposed a legislative amendment impacting Maori rights by singing a traditional Maori song and tearing up the bill. The video of her protest is now viral worldwide