புதிய நட்சத்திரத்துக்கு ரொனால்டோவின் நிக்நேம் சூட்டிய விஞ்ஞானிகள்! மகிழ்ச்சியில் ரசிகர்கள்

வாஷிங்டன்: சூரிய மண்டலத்தில் கண்டுபிடிக்கப்பட்டுள்ள புதிய நட்சத்திரம் கால்பந்தாட்ட வீரர் கிறிஸ்டியானோ ரொனால்டோ பெயரை தாங்கி அழைக்கப்படுவதால் அவரது ரசிகர்கள் மகிழ்ச்சியடைந்துள்ளனர்.

போர்ச்சுக்கல் நாட்டு லிஸ்பன் பல்கலைக்கழக பேராசிரியர் டேவிட் சோப்ரல் தலைமையிலான ஆராய்ச்சியாளர்கள், 800 மில்லியன் ஆண்டுகளுக்கு முந்தைய பழமையான நட்சத்திரம் ஒன்றை கண்டறிந்துள்ளனர். அது பரப்பில் மிக பெரிதாகவும் காட்சியளிக்கிறது.

இந்த நட்சத்திரத்துக்கு விஞ்ஞானிகள் சிஆர்7 என்று பெயர் வைத்தனர். புதிய நட்சத்திர கண்டுபிடிப்புக்காக சந்தோஷப்பட்டதைவிட அதற்கு வைக்கப்பட்டுள்ள பெயருக்காகவே அதிகம் பேர் மகிழ்ச்சியடைந்துள்ளராம். காரணம், அது கால்பந்து பிரபலம் ரொனால்டோவின் செல்ல பெயர்.

போர்ச்சுக்கல் நாட்டுக்காரரான கால்பந்தாட்ட பிரபலம் ரொனால்டோ, ரியல் மேட்ரிட் அணிக்காக ஆடி வருகிறார். அவர், மான்செஸ்டர் யுனைட்டட் அணிக்காக ஆடத் தொடங்கிய காலம் முதல் சிஆர்7 என அழைக்கப்படுகிறார். சிஆர் என்பது ரொனால்டோவின் இன்ஷியலாகும். 7 என்பது அவரது ஜெர்சியிலுள்ள நம்பர். இதைத்தான் சிஆர்7 என்பர் ரசிகர்கள்.

புதிய நட்சத்திரத்துக்கு சிஆர்7 என்று பெயர் வைக்க ரொனால்டோவும் ஒரு இன்ஸ்பிரேசனாக இருந்தார் என்று விஞ்ஞானிகள் குழுவில் ஒருவர் பேட்டியளித்தாலும் அளித்தால், ரொனால்டோ ரசிகர்கள் உற்சாகத்தில் விண்வெளியிலேயே மிதக்கின்றனர்.

English summary

Cristiano Ronaldo has inspired a group of astronomers who named a new galaxy which was recently discovered as CR7.