நைஜீரியா மசூதி வெடிகுண்டு தாக்குதல்- பலி எண்ணிக்கை 81 ஆக உயர்வு

கானோ, நைஜீரியா: நைஜீரியாவின் கானோ நகரில் மசூதியில் நடந்த வெடிகுண்டுத் தாக்குதலில் பலியானோர் எண்ணிக்கை 81 ஆக உயர்ந்துள்ளது.

வெள்ளிக்கிழமை கானோ நகரில் உள்ள மசூதியில் பயங்கர வெடிகுண்டுத் தாக்குதல் நடந்தது. தீவிரவாதிகள் நடத்திய இந்தத் தாக்குதலில் பலர் பலியானார்கள். தொடர்ந்து அங்கு மீட்புப் பணிகள் நடந்து வருகின்றன.

இதுவரை 81 பேர் உயிரிழந்துள்ளதாக தெரிவிக்கப்பட்டுள்ளது. இடிபாடுகளுக்குள் மேலும் பலர் சிக்கியிருக்கலாம் என்றும் அஞ்சப்படுகிறது. கானோ நகரில் உள்ள இந்த மசூதியில், தீவிரவாதிகள் வெடிகுண்டுகளை வீசியும், சரமாரியாக துப்பாக்கியால் சுட்டும் தாக்குதல் நடத்தினர்.

நைஜீரியாவின் 2 ஆவது பெரிய நகரம் கானோ என்பது குறிப்பிடத்தக்கது. இங்கு இதுபோன்ற சம்பவங்கள் அடிக்கடி அரங்கேறுவதும் குறிப்பிடத்தக்க ஒன்றாகும்.

English summary

At least 81 people were killed in a gun and bomb attack on a mosque in Nigeria's second biggest city of Kano on Friday, sources from two hospitals visited by Reuters said.