ஒரு முஸ்லீமை அமெரிக்க அதிபராக்கவே கூடாது: குடியரசுக் கட்சி வேட்பாளர் கார்சன்
வாஷிங்டன்: எந்த ஒரு முஸ்லீமும் அமெரிக்காவின் அதிபர் ஆகக் கூடாது என அதிபர் தேர்தலில் குடியரசுக் கட்சி சார்பில் களத்தில் உள்ள பென் கார்சன் தெரிவித்துள்ளார்.
குடியரசுக் கட்சி சார்பில் அமெரிக்க அதிபர் தேர்தல் களத்தில் உள்ளவர் முன்னாள் மருத்துவரான பென் கார்சன். அவர் என்.பி.சி. தொலைக்காட்சி நிறுவனத்தின் மீட் தி பிரஸ் நிகழ்ச்சியில் கலந்து கொண்டார். அப்போது அவரிடம் அமெரிக்க அதிபரின் மதம் முக்கியமானதா என்ன என்று கேட்கப்பட்டது.
அதற்கு அவர் கூறுகையில்,
அவர் எந்த மதத்தை சார்ந்தவர் என்பதை பொறுத்து உள்ளது என நினைக்கிறேன். அமெரிக்காவின் கொள்கைகளுடன் ஒத்துப் போகாமல் இருந்தால் அது முக்கியம் தான். ஆனால் அவரின் மதம் அமெரிக்காவின் அரசியலமைப்புக்கு ஏற்றது போன்று இருந்தால் பிரச்சனை இல்லை என்றார்.
இஸ்லாம் அமெரிக்க அரசியலமைப்புக்கு ஏற்றதா என்று கேட்டதற்கு அவர் கூறுகையில், இல்லை. , எனக்கு தெரியவில்லை. ஒரு முஸ்லீமை இந்த நாட்டின் தலைமை பொறுப்பில் வைக்க நான் பரிந்துரைக்க மாட்டேன். இதை நான் ஒப்புக் கொள்ளவே மாட்டேன் என்றார்.
Click it and Unblock the Notifications
Sign in with Google