சூப்பர்மேனின் முதல் "கேர்ள் பிரண்ட்" நோயல் நீல் காலமானார்
நியூயார்க்: சூப்பர்மேன் திரைப்படத்தில் அவரது தோழியாக முதன்முதலாக நடித்த நடிகை நோயல் நீல் காலமானார். அவருக்கு வயது 95.
வயது வித்தியாசமில்லாமல் அனைவருக்கும் பிடித்த கதாபாத்திரம் சூப்பர்மேன். இவரது தோழியாக அறியப்படுபவர் லேன்.
இந்தக் கதாபாத்திரத்தில் முதன்முதலாக திரைப்படங்களில் நடித்தவர் தான் நோயல் நீல்.
பாடகர் பணி...
அமெரிக்காவின் மின்னபோலீஸில் 1920ம் ஆண்டு நவம்பர் 25-ல் பிறந்தவர் நீல். பள்ளி படிப்பை முடித்ததும் கலிபோர்னியாவுக்கு புலம்பெயர்ந்தவர், அங்குள்ள ஒரு உணவகத்தில் பாடகராக பணிக்கு சேர்ந்தார்.
சிறிய வேடங்கள்...
அதன் மூலம் ஹாலிவுட்டின் பாராமவுண்ட் ஸ்டூடியோவின் பரிச்சயம் அவருக்கு கிடைத்தது. அதனைத் தொடர்ந்து 1940களில் ஹாலிவுட் சினிமாவில் சிறிய வேடங்களில் அவர் நடிக்கத் தொடங்கினார்.
சூப்பர்மேனின் தோழியானார்...
நீலின் திறமையை கண்டு கொலம்பியா பிக்சர்ஸ் நிறுவனம் 1948ல் சூப்பர்மேன் திரைப்படத்துக்காக அவரை ஒப்பந்தம் செய்தது. இந்தப் படத்தில் சூப்பர்மேன் கதாபாத்திரத்தில் கிரிக் அலினும், அவரது தோழியாக வரும் லேன் கதாபாத்திரத்தில் நோயல் நீலும் நடித்திருந்தனர்.
சீரியல்...
அதன் தொடர்ச்சியாக 1950-ல் ஜார்ஜ் ரீவிஸ் நடிப்பில் உருவான சூப்பர்மேன் தொலைக்காட்சி தொடரிலும் நீல் நடித்தார். 1978ல் திரைப்படமாக உருவான சூப்பர்மேனில் அவர் நடித்தார்.
தங்கக்காலணி விருது...
லூயிஸ் லேன் கதாபாத்திரத் தில் சிறப்பாக நடித்தமைக்காக மெட்ரோ போலீஸில் நீலுக்கு 2010-ல் சிலை நிறுவப்பட்டது. தங்க காலணி விருதும் வழங்கி அவர் கவுரவிக்கப் பட்டார்.
மரணம்...
இந்நிலையில், சமீபகாலமாக வயோதிகம் காரணமாக உடல்நலம் பாதிக்கப்பட்டிருந்த நீல், அமெரிக்காவின் அரிசோனா மாகாணத்தில் டஸ்கானில் உள்ள தனது இல்லத்தில் கடந்த ஞாயிற்றுக் கிழமை உயிரிழந்ததாக அவரது குடும்பத்தார் தெரிவித்துள்ளனர்.
Click it and Unblock the Notifications
Sign in with Google