கம்பியப் பிடிக்காம நடப்பாருய்யா எங்க குழந்தைச்சாமி!!

பியாங்யாங்: வட கொரிய அதிபர் கிம் ஜாங் உன் வாக்கிங் ஸ்டிக் உதவியில்லாமல் நடக்க ஆரம்பித்து விட்டாராம்.

கிட்டத்தட்ட பிறந்த குழந்தை ரேஞ்சுக்குப் போய் விட்டது கிம்மின் நிலைமை. பல வாரங்களாக ஆள் அட்ரஸே இல்லாமல் இருந்து வந்தார். இந்த நிலையில்தான் அவருக்கு உடல் நலம் சரியில்லாமல் போனது தெரிய வந்தது.

ஆறு வார இடைவெளிக்குப் பின்னர் சில நாட்களுக்கு முன்பு அவர் வாக்கிங் ஸ்டிக் உதவியுடன் வெளியுலகில் தனது நடமாட்டத்தைத் தொடங்கினார். கணுக்காலில் ஏற்பட்ட நீர்க்கட்டி விரிவாகிப் போனதால் அவரால் நடக்க இயலாத நிலை ஏற்பட்டது. இதையடுத்து டாக்டர்கள் அந்தக் கட்டியை ஆபரேஷன் மூலம் அகற்றியதால் அவர் வாக்கிங் ஸ்டிக் உதவியுடன் நடக்க ஆரம்பித்தார்.

இந்த நிலையில் தற்போது வாக்கிங் ஸ்டிக் இல்லாமல் மொள்ள மொள்ள அவர் நடக்க ஆரம்பித்துள்ளாராம். ராணுவ அதிகாரிகளையும் அவர் சந்திக்க ஆரம்பித்துள்ளார்.

இதுகுறித்த புகைப்படத்தையும், செய்தியையும் அந்நாட்டு அரசு ஊடகம் வெளியிட்டுள்ளது.

English summary

North Korean president Kim Jong-un is started to walk without stick, says NK media.