மிஸ் வேர்ல்டுக்குப் போட்டியாக முஸ்லீம் பெண்களுக்கான அழகிப் போட்டி!
ஜகார்தா: மிஸ் வேர்ல்ட் உலக அழகிப் போட்டிக்குப் போட்டியாக, ஜகார்தாவில் முஸ்லீம் பெண்களுக்கான அழகிப் போட்டி நடைபெறவுள்ளது.
மிஸ் வேர்ல்ட் உலக அழகிப் போட்டி ஜகார்தாவிலிருந்து பாலி தீவுக்கு மாற்றப்பட்டு நடந்து வருகிறது.
முஸ்லீம் அமைப்புகளின் கடும் எதிர்ப்பு மற்றும் போராட்டம் காரணமாக போட்டி பாலிக்கு மாற்றப்பட்டுள்ளது. இந்த நிலையில் தற்போது முஸ்லீம் பெண்களுக்கான அழகிப் போட்டி ஒன்று ஜகார்தாவில் நடைபெறவுள்ளதாம்.
அழகிப் போட்டிக்குப் போட்டி
மிஸ் வேர்ல்ட் போட்டிக்கு எதிராகவும், அதைக் கண்டித்தும் இந்த முஸ்லீம் பெண்கள் அழகிப் போட்டி நடைபெறவுள்ளதாம்.
புதன்கிழமை
ஜகார்தாவில் புதன்கிழமையன்று இந்தப் போட்டி நடைபெறவுள்ளது. இஸ்லாமிய அமைப்புகள் இணைந்து இதை நடத்தவுள்ளன.
முஸ்லீமா வேர்ல்ட் போட்டி
இந்தப் போட்டிக்கு முஸ்லீமா வேர்ல்ட் போட்டி என்று பெயர் வைக்கப்பட்டுள்ளது. இதுகுறித்து போட்டி நிறுவனரான ஈகா சாந்தி கூறுகையில், மிஸ் வேர்ல்ட் போட்டிக்கு முஸ்லீம் உலகம் தரும் பதிலடி இது என்றார்.
ரோல் மாடலுக்கான போட்டி
இதுவும் அழகிப் போட்டிதான். ஆனால் மிஸ் வேர்ல்டுக்கும் இதற்கும் நிறைய வித்தியாசம் உண்டு. இது தன்னம்பிக்கை தரும் போட்டியாகும். ரோல் மாடலாக திகழ்வதற்கான போட்டியாகும் இது. இன்றைய நவீன உலகில் மதக் கோட்பாடுகளை எப்படிக் கடைப்படிப்பது, சமச்சீரை எப்படி கடைப்பிடிப்பது என்பதைச் சொல்லித் தரும் போட்டியாகும் இது என்றார் அவர்.
20 அழகிகள் பங்கேற்பு
முஸ்லீமா வேர்ல்ட் அழகிப் போட்டிக்கான அழகிகள் தேர்வு ஆன்லைன் மூலம் நடந்தது. 500 பேர் கலந்து கொண்டதில் 20 பேர் இறுதிப் போட்டிக்குத் தேர்வாகயுள்ளனராம். குரான் வாசகங்களைகப் படிப்பது, இஸ்லாமியக் கதைகள் ஒப்புவித்தல், இஸ்லாமிய மத உடைகளை அணிவதில் கடைப்பிடிக்கப்படும் மரபுகள் உள்ளிட்டவை குறித்து இந்த அழகிப் போட்டியில் கேள்விகள் கேட்கப்பட்டு இறுதிச் சுற்றுக்குப் பெண்கள் தேர்வாகியுள்ளனராம்.
ஈரான் முதல் இந்தோனேசியா வரை
இறுதிச் சுற்றில் இடம் பெற்றுள்ள பெண்கள் இந்தோனஏசியா, நைஜீரியா, வங்கதேசம், புரூணே, மலேசியா, ஈரான் உள்ளி்ட்ட நாடுகளைச் சேர்ந்தவர்கள்.
இஸ்லாமிய உடையில் கேட் வாக்
இறுதிச் சுற்றுப் போட்டியின்போது இந்தப் பெண்கள் இஸ்லாமிய மத உடையில் கேட் வாக்கும் செல்லவுள்ளனராம்.
Click it and Unblock the Notifications
Sign in with Google