பாகிஸ்தானில் ஒபாமா போட்டோவுடன் 'போலி வயாக்ரா' அமோக விற்பனை
இஸ்லாமாபாத்: பாகிஸ்தானில் அமெரிக்க அதிபர் ஒபாமாவின் புகைப்படத்துடன் கூடிய அயோபாமா என்ற போலி வயாக்ரா மாத்திரைகள் அமோகமாக விற்பனையாகின்றன.
பாகிஸ்தானின் கைபர் பக்டுங்வா மாகாண தலைநகரான பெஷாவரில் உள்ள சந்தையில் ஆண்களின் பாலியல் உணர்வுகளை தூண்டும் போலி வயாக்ரா மாத்திரைகள் அமோகமாக விற்பனைவயாகின்றன. பாகிஸ்தானில் இந்த மாத்திரை விற்பனைக்கு தடைவிதிக்கப்பட்டிருப்பதால் அண்டை நாடான ஆப்கானிஸ்தானில் இருந்து கடத்தி வரப்படுகிறது.
அவ்வாறு கடத்தி வரப்படும் போலி வயாக்ரா மாத்திரைகள் மருந்துக் கடைகளில் விற்பனை செய்யப்படுகின்றன. இந்த போலி மாத்திரை விற்பனை பெஷாவரில் சக்கை போடு போடுகிறது. இதில் விந்தை என்னவென்றால் இந்த மாத்திரைகளின் அட்டையில் அமெரிக்க அதிபர் பாரக் ஒபாமாவின் புகைப்படம் உள்ளது. மாத்திரைக்கு பெயர் அயோபாமா ஆகும்.
இளைஞர்கள் அந்த மாத்திரைகளை அதிக அளவில் வாங்கிச் செல்கின்றனர். அந்த மாத்திரைகள் எங்கு, யாரால் தயாரிக்கப்படுகிறது என்று தெரியவில்லை. இதனால் கடும் பின்விளைவுகள் ஏற்படக்கூடும். சிலருக்கு பின்விளைவுகளும் ஏற்பட்டுள்ளது. அதற்கு தகுதி இல்லா மருத்துவர்கள் சிகிச்சை அளித்ததாகக் கூறப்படுகிறது.
Click it and Unblock the Notifications
Sign in with Google