உலகின் மிகவும் செல்வாக்குமிக்க டீனேஜர்கள் பட்டியலில் ஒபாமா மகள்கள், மலாலா

By Siva

Published: Tuesday, October 14, 2014, 10:01 [IST]

Subscribe to Oneindia Tamil

லாஸ் ஏஞ்சல்ஸ்: அமெரிக்க அதிபர் ஒபாமாவின் மகள்கள், நோபல் பரிசு வென்ற மலாலா உள்ளிட்டவர்கள் டைம் பத்திரிக்கையின் மிகவும் செல்வாக்குமிக்க பதின்வயதுடையோர்(டீனேஜர்) பட்டியலில் இடம்பிடித்துள்ளனர்.

அமெரிக்காவின் டைம் பத்திரிக்கை மிகவும் செல்வாக்குமிக்க பதின்வயதுடையோர் பட்டியலை வெளியிட்டுள்ளது. அவர்கள் சமூக வலைதளங்களில் எவ்வளவு பிரபலமாக உள்ளார்கள், வியாபாரத்தில் வெற்றி, கலாச்சாரத்திற்கு அளிக்கும் முக்கியத்துவம் ஆகியவற்றின் அடிப்படையில் இந்த பட்டியல் வெளியிடப்பட்டுள்ளது.

யாருக்கும் முதலாவது, இரண்டாவது என்று இடங்கள் வழங்கப்படவில்லை. 25 பேர் அடங்கிய பட்டியலில் 20 பேர் சிறுமிகள்.

ஒபாமா மகள்கள்

அமெரிக்க அதிபர் பாரக் ஒபாமாவின் மகள்கள் மால்யா(16) மற்றும் ஷாஷா(13) ஆகியோர் செல்வாக்கு மிக்க டீனேஜர்கள் ஆவர்.

மலாலா

அமைதிக்கான நோபல் பரிசுக்கு தேர்வாகியுள்ள பாகிஸ்தானி சிறுமி மலாலா யூசப்சாயும் இந்த பட்டியலில் இடம்பிடித்துள்ளார்.

லூர்து

கிராமி விருது பெற்ற 17 வயது நியூசிலாந்து பாடகி லூர்து டைம் பத்திரிக்கையின் பட்டியலில் இடம்பிடித்துள்ளார்.

ஷாஷா

டைம் பத்திரிக்கையின் செல்வாக்குமிக்க டீனேஜர்கள் பட்டியிலில் இடம்பிடித்துள்ள மிகவும் இளம் வயது நபர்கள் என்றால் அது ஒபாமாவின் இளைய மகள் ஷாஷா(13) மற்றும் பிலடெல்பியாவைச் சேர்ந்த பேஸ்பால் வீராங்கனை மோன் டேவிஸ்(13) ஆகியோர் தான்.