முஸ்லீம் தலைவர்களுடன் ஒபாமா சந்திப்பு... ஐஎஸ்ஐஎஸ் குறித்து முக்கிய ஆலோசனை

வாஷிங்டன்: அமெரிக்க அதிபர் ஒபாமா, முஸ்லீம் தலைவர்களுடன் அவசர ஆலோசனை நடத்தியுள்ளார். இந்த சந்திப்பின்போது ஐஎஸ்ஐஎஸ் தீவி்ரவாதிகளின் பெருகி வரும் காட்டுமிராண்டித்தனமான படுகொலைகளை ஒடுக்குவது குறித்து அவர் ஆலோசனை நடத்தினார்.

இதுதவிர மேலும் உலகளாவிய பயங்கரவாதம் குறித்தும் மேலும் பல பிரச்சினைகள் குறித்தும் ஒபாமா ஆலோசனை நடத்தினார்.

இந்த சந்திப்பின்போது ஒபாமா கூறுகையில், ஐஎஸ் தீவிரவாத அமைப்பை ஒடுக்க வேண்டியது முக்கியமானது. இவர்களையும், பிற தீவிரவாத அமைப்புகளையும் ஒடுக்க வேண்டியது அவசியம். இஸ்லாமின் பெயரால் தீவிரவாத செயல்களில் யாரும் ஈடுபடுவதை நாம் அனுமதிக்க முடியாது.

முஸ்லீம் அமெரிக்கர்கள் அமெரிக்காவுக்குப் பெரும் பங்காற்றியுள்ளனர். தொடர்ந்து அமெரிக்காவின் வளர்ச்சிக்கு இஸ்லாமிய சமுதாயம் துணை நிற்க வேண்டும்.

இந்த சந்திப்பு போல மேலும் பல சந்திப்புகள் ஏற்பட வேண்டும் என்றும் ஒபாமா பேசினார். இந்த சந்திப்பின்போது முஸ்லீ்ம்களுக்கு எதிரான வன்முறைச் செயல்கள் குறித்தும் ஒபாமா ஆலோசனை நடத்தினார்.

ஐஎஸ்ஐஎஸ் அமைப்பு தொடர்ந்து பல படுகொலைகளை நிறைவேற்றி வரும் நிலையில் முஸ்லீம் தலைவர்களுடன் ஒபாமா பேசியிருப்பது குறிப்பிடத்தக்கது.

English summary

US President Barack Obama met Muslim leaders and discussed a host of issues with them including the efforts required to combat the dreaded IS and its "horrific" acts of terrorism. "The President discussed the need to continue countering ISIL and other groups that commit horrific acts of violence, purportedly in the name of Islam," the White House said yesterday. Noting the remarkable contributions of Muslim Americans to the US, Obama encouraged the participants to remain civically engaged in their communities.