அமெரிக்க புதிய பாதுகாப்பு அமைச்சர் ஆஷ்டன் கார்ட்டர்: ஒபாமா அறிவிப்பு

வாஷிங்டன்: அமெரிக்காவின் புதிய பாதுகாப்பு அமைச்சராக ஆஷ்டன் கார்ட்டர் நியமிக்கப்படுவதாக அந்நாட்டு அதிபர் ஒபாமா அறிவித்துள்ளார்.

அமெரிக்காவில் அதிபர் ஒபாமா தலைமையிலான அமைச்சரவையில் பாதுகாப்பு அமைச்சராக பணியாற்றி வந்தவர் குடியரசு கட்சியின் மூத்த தலைவர் சக் ஹேகல். ஈராக் மற்றும் சிரியாவில் ஐ.எஸ். தீவிரவாதிகள் ஆதிக்கம் நாளுக்கு நாள் அதிகரித்து வருவதிலும் ஒபாமாவுக்கும், சக் ஹேகலுக்கும் தீவிரமான கருத்து வேறுபாடுகள் ஏற்பட்டன.

இதனால் சக் ஹேகல் கடந்த 24-ந் தேதி பதவி விலகினார். அவரது ராஜினாமாவை ஒபாமா உடனடியாக ஏற்றுக்கொண்டார். இதையடுத்து புதிய பாதுகாப்பு அமைச்சர் யார் என்ற கேள்வி எழுந்தது.

புதிய பாதுகாப்பு அமைச்சர் பதவிக்கு முன்னாள் பாதுகாப்பு துணை அமைச்சர் ஆஷ்டன் கார்ட்டர், ஜனநாயக கட்சி எம்.பி., ஜேக் ரீட் உள்ளிட்டவர்கள் பெயர்கள் அடிபட்டன.

இந்த நிலையில் புதிய பாதுகாப்பு அமைச்சராக ஆஷ்டன் கார்ட்டர் நியமிக்கப்படுவதாக அதிபர் ஒபாமா அறிவித்திருக்கிறார்.

English summary

US President Barack Obama on Friday nominated veteran defence expert Ashton Carter as his defence secretary, a job that will require him to tackle messy wars in the Middle East and Afghanistan and try to fend off potentially damaging budget cuts.