மண்டேலாவுக்கு ஒபாமா நேரில் சிறப்பு அஞ்சலி!

வாஷிங்டன்(யு.எஸ்): தென்னாப்பிரிக்காவின் முதல் கருப்பின அதிபராக இருந்த நெல்சன் மண்டேலாவுக்கு, அமெரிக்காவின் முதல் கருப்பின அதிபர் பராக் ஒபாமா சிறப்பு அஞ்சலி செலுத்துகிறார்.

மறைந்த மண்டேலாவுக்கு அஞ்சலி செலுத்த மனைவி மிஷல் ஒபாமா மற்றும் முன்னாள் அதிபர் ஜார்ஜ் புஷ், அவரது மனைவி லாரா புஷ் ஆகியோருடன் ஏர் ஃபோர்ஸ் ஒன் விமானம் மூலம் தென்னாப்பிரிக்கா செல்கிறார்.

முன்னாள் அதிபர் பில் க்ளிண்டனும் அஞ்சலி செலுத்த தென்னாப்பிரிக்கா செல்லவிருக்கிறார். அதிபர் ஒபாவுடன் செல்கிறாரா என்ற தகவல் இன்னும் வெளியாகவில்லை. அவருடன் ஹிலரி க்ளிண்டனும் செல்வார் என எதிர்பார்க்கப்படுகிறது.

முன்னாள் அதிபர் ஜார்ஜ் புஷ்ஷும், அவர் தந்தையும் முன்னாள் அதிபரும் ஆன ஹெச்.டபுள்.யூ புஷ்ஷும் நேரில் சென்று மண்டேலாவுக்கு அஞ்சலி செலுத்த விரும்பினார். ஆனால் 89 வயதான அவருடைய உடல் நிலை கருதி அந்த முடிவு கைவிடப்பட்டது.

இந்த நான்கு அமெரிக்க அதிபர்களும் நெல்சன் மண்டேலாவுடன் நெருக்கமாக பணியாற்றியுள்ளார்கள் என்பது குறிப்பிடத்தக்கது. மண்டேலா மறைவுச் செய்தி கேட்டவுடன், அமெரிக்க கொடிகளை அரைக் கம்பத்திற்கு பறக்கவிட உத்தரவிட்டு, திங்கள் வரை துக்கம் அனுஷ்டிக்கப்படுகிறது.

வெளி நாட்டு தலைவர்களுக்கு இப்படிப்பட்ட மரியாதை கிடைப்பது அமெரிக்காவில் மிகவும் அரிதானதாகும்.

மூன்று இந்நாள் முன்னாள் அமெரிக்க அதிபர்கள் ஒரு சேர சென்று. ஒரு வெளிநாட்டு தலைவருக்கு நேரடி அஞ்சலி செலுத்துவதும் இதுவே முதல்முறையாகும்.

English summary

US President Barak Obama and former presidents Bill Clinton, George Bush will pay their tribute to Nelson Mandela.